| e-texts navigator |
| Wylie |
32b1 པའི་རྣལ་འབྱོར་པས།། དུས་ཀྱི་ཐ་མ་བྱུང་བའི་ཚེ།། སྣང་བ་སྐྱེ་དང་མཆེད་པ་དང་།། སྣང་བ་འགྱུར་ཞིང་ཐོབ་པའི་དུས།། ལུང་ལྡན་ངེས་པའི་གདམས་ངག་གིས།། བར་དོར་སྐྱེ་བ་མི་ལེན་པའོ།། རྐྱེན་ཐུབ་འབྲས་བུ
32b2 སངས་རྒྱས་འབྱུང་།། དེ་ཡང་འདུས་པའི་སྙིང་པོ་ཉོན།། སྣང་བ་འགྱུར་ཞིང་སྤང་བའི་དུས།། བར་དོར་ལུས་གསུམ་མི་ལེན་པའོ།། ངེས་དོན་གདམས་ངག་དོན་དྲན་པས།། གཞི་གནས་མ་རིག་མེད་པའི་ཕྱིར།། རྐྱེན
32b3 བཞིས་མ་བསྐྱེད་ལུས་མི་ལེན།། ཤེས་པ་ཆོས་སྐུ་འགྱུར་མེད་བརྟན།། མངོན་ཤེས་དྲུག་དང་རྗེས་དྲན་དྲུག། སངས་རྒྱས་ས་ཡི་ཡོན་ཏན་ཀུན།། ཐོགས་པ་མེད་པར་དུས་གཅིག་རྫོགས།། དེ་ཕྱིར་རྐྱེན་ཐུབ་ས་ཟིན
32b4 པས།། མ་རིག་སངས་ལ་ཡེ་ཤེས་རྒྱས།། ཐམས་ཅད་མཁྱེན་པའི་ཡེ་ཤེས་དང་།། སངས་རྒྱས་ཡོན་ཏན་ཀུན་རྫོགས་ཕྱིར།། འགྲོ་དོན་གཟུགས་སྐུ་དུས་གཅིག་འབྱུང་།། དེ་ཡང་འདུས་པའི་སྙིང་པོ་ཉོན།། དེ་ཚེ་ཡེ་ཤེས
32b5 སྣང་བ་ལས།། བག་ཆགས་བྲལ་བས་ཆགས་སྡང་མེད།། སྣང་བ་མེད་པས་ཞེན་པ་གྲོལ།། རིག་པ་གསལ་བ་ཆོས་སྐུར་ཤེས།། ལུས་ཅན་གང་ཡང་མེད་པའི་ཕྱིར།། ཕོ་མོ་མ་མཐོང་མངལ་མི་འཇུག། དེ་ཕྱིར་སྐྱེ་བ་མི
32b6 ལེན་ངེས།། དེ་ཡང་འདུས་པའི་སྙིང་པོ་ཉོན།། ངེས་པའི་འབྲས་བུ་སངས་རྒྱས་ནི།། རྣམ་དག་ཆོས་སྐུ་གཅིག་གཅིག་ལ།། ངེས་དོན་འབྲས་བུ་ལོགས་ན་མེད།། དྲང་དོན་སངས་རྒྱས་གྲངས་མང་ཡང་།། མཐར་ཐུག
iiif viewer powered by OpenSeadragon
