| e-texts navigator |
| Wylie |
31b1 མི་གཅོད་དོན་དྲན་ཕྱིར།། བག་ཆགས་རྨི་ལམ་རང་སྟོང་ནས།། ཡེ་ཤེས་ཀློང་ཐིམ་རྐྱེན་ཐུབ་ཚེ།། འདི་ལ་མ་མཐོང་མེད་མ་མྱོང་།། གང་རྨིས་པ་ཡི་མཚམས་སྦྱོར་བས།། བག་ལ་ཉལ་དུ་ཤེས་པའི་ཕྱིར།། ཀུན་བརྟགས
31b2 མེད་པའི་ལྷག་མཐོང་གིས།། མཚམས་སྦྱོར་རང་ཞི་རྐྱེན་རྣམས་ཐུག། དེ་ཡང་རྡོ་རྗེ་སེམ་དཔའ་ཉོན།། འཇིག་རྟེན་ལྷས་བྱས་ལུང་བསྟན་པའི།། རྨི་ལམ་བཟང་ངན་གང་བྱུང་ཡང་།། བསླུ་བའི་བདུད་དུ་ཤེས་པའི
31b3 ཕྱིར།། དམ་པར་གཏད་མེད་གང་བཞག་པ།། བསླུ་མེད་རྐྱེན་ཐུབ་ཆོས་སྐུར་གསལ།། དེ་ཡང་འདུས་པའི་སྙིང་པོ་ཉོན།། རྣལ་འབྱོར་དམ་པ་གཉིད་ལོག་ཚེ།། དགེ་སྡིག་ལུང་མ་བསྟན་པའི་ཚེ།། གང་དམིགས་གང་ཡང
31b4 མ་བསམ་པར།། ཆོས་ཉིད་ངང་ལ་གནས་པར་བྱ།། གང་ཡང་རྟོག་པ་མ་ཞུགས་ན།། བཟང་ངན་ཞེན་པ་རང་ཞི་སྟེ།། ཡེ་ཤེས་ཀློང་ཐིམ་རྐྱེན་རྣམས་ཐུབ།། དེ་ཕྱིར་ངེས་དོན་གདམས་ངག་ཆེ།། རྫོགས་པ་ཆེན་པོ་ལྟ་བའི
31b5 ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། གཉིད་ཡེ་ཤེས་ཀློང་ཐིམ་དུ་རྐྱེན་ཐུབ་པར་བསྟན་པའི་ལེའུ་སྟེ་སོ་གཉིས་པའོ།། །། དེ་ནས་འདུས་པའི་དད་ལྡན་ལ། ཀུན་རིག་སྟོན་པ་ཆོས་རྗེ་ཡིས།། དུག་ལྔ
31b6 རང་གྲོལ་བཀའ་སྩལ་པ།། ཉི་ཤར་མུན་སྒྲིབ་མེད་པ་བཞིན།། ལུང་ལྡན་མ་རིག་རྩད་གཅོད་ནས།། ངོ་བོ་རིག་པ་ཆོས་སྐུར་གསལ།། མ་རིག་མེད་པས་གཏི་མུག་སངས།། ད་ཡང་འདུས་པའི་སྙིང་པོ་ཉོན།། ལྡུམ་བུ
iiif viewer powered by OpenSeadragon
