| e-texts navigator |
| Wylie |
31a1 གསལ།། གསལ་ཙམ་ཉིད་ན་རྐྱེན་ཐུབ་ཕྱིར།། རང་བྱུང་ཐུགས་ལ་འགྱུར་བ་མེད།། ད་ཡང་འདུས་པའི་སྙིང་པོ་ཉོན།། ངེས་པའི་ལུང་བསྟན་གདམས་ངག་གིས།། དགེ་སྡིག་མ་དྲན་ཆོས་སྐུར་དྲན།། དེ
31a2 ཕྱིར་ལྷག་མཐོང་རིག་པ་ལ།། ཐིག་ལེ་ཉག་གཅིག་དེ་ལ་བྱ།། རང་བྱུང་སྙིང་པོ་ཡུལ་ལས་འདས།། སེམས་ཀྱི་སྤྱོད་ཡུལ་མ་ཡིན་ཕྱིར།། རྟོགས་པའི་ཆོ་ག་ལ་བསྒོམ་མི་དགོས།། ནོར་བུ་རིན་ཆེན་རྙེད་དང་འདྲ།། དེ་ཡང
31a3 འཁོར་གྱི་སྙིང་པོ་ཉོན།། ཐ་མ་ཤེས་པ་བཏང་སྙོམས་འདི།། ཀུན་བཟང་རྒྱལ་པོའི་དགོངས་པར་ཤེས།། དེ་ཚེ་ཡུལ་སེམས་གཉིས་ལས་འདས།། རང་བྱུང་ཆོས་སྐུར་ཇི་ལྟར་གསལ།། དེ་ལ་འགལ་བའི་སྐྱོན་མི
31a4 འབྱུང་།། འདུས་མ་བྱས་ནི་ནམ་མཁའ་འདྲ།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། བཏང་སྙོམས་ལྷག་མཐོང་རིག་པས་རྐྱེན་ཐུབ་པར་བསྟན་པའི་ལེའུ་སྟེ་སོ་གཅིག
31a5 པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། རྨི་ལམ་ཀློང་ཐིམ་བཀའ་སྩལ་པ།། རྣལ་འབྱོར་དམ་པ་གཉིད་བྱུང་ཚེ།། རྨི་ལམ་དགེ་སྡིག་ལུང་མ་བསྟན།། བག་ཆགས
31a6 མཚམས་སྦྱོར་ལྟས་བསྟན་པའི།། རྨི་ལམ་སྣ་ཚོགས་བྱུང་དུས་སུ།། ཡེ་ཤེས་ཀློང་ཐིམ་ཤེས་པར་བྱ།། དེ་ཡང་འདུས་པའི་སྙིང་པོ་ཉོན།། ཚེ་སྟོད་སྔར་བྱས་གང་རྨིས་པ།། བག་ཆགས་རྨི་ལམ་ཡིན་ཤེས་པས།། དེ་རྗེས
iiif viewer powered by OpenSeadragon
