| e-texts navigator |
| Wylie |
30b1 བསྔལ་ཕྱི་ནང་གཉིས།། རྩ་བ་མ་རིག་བློས་བྱས་ཏེ།། ལུང་ལྡན་རྐྱེན་གྱིས་མ་རིག་འབྲལ།། ཡེ་ཤེས་རང་རིག་ཆོས་སྐུར་ཤེས།། སྡུག་བསྔལ་བྱ་བའི་མིང་ཡང་མེད།། རང་འབྱུང་རྟོགས་པས་མངོན་སངས་རྒྱ།། རྫོགས
30b2 པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། སྡུག་བསྔལ་ཞི་བྱེད་ཆོས་སྐུ་རྐྱེན་ཐུབ་པར་བསྟན་པའི་ལེའུ་སྟེ་སུམ་བཅུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས
30b3 ཀྱི་རྒྱལ་པོ་ཡིས།། མ་རིག་ལས་བྱུང་བཏང་སྙོམས་ལ།། ལྷག་མཐོང་རིག་པས་བཀའ་སྩལ་པ།། བདེ་སྡུག་མ་དྲན་བཏང་སྙོམས་ནི།། ཞི་གནས་མ་རིག་གཏི་མུག་སྟེ།། གང་ལ་བློ་ཡང་མ་ཞུགས་པས།། དགེ་སྡིག
30b4 གཉིས་སུ་ལུང་མ་བསྟན།། དེ་ལས་བག་ཙམ་ཆ་ཕྲ་ལས།། ལུང་མ་བསྟན་པ་རྣམ་གསུམ་བྱུང་།། བདེ་སྡུག་སྐྱེད་པའི་རྒྱུར་ནི་གསུངས།། དེ་ཡང་འདུས་པའི་སྙིང་པོ་ཉོན།། ཤེས་བཞིན་ལུང་མ་བསྟན་དུ་ནི།། མི་གོལ་བ
30b5 ཡི་གདམས་ངག་ནི།། ཐོག་མར་རང་བྱུང་ངོ་ཤེས་ནས།། མ་རིག་མེད་ཕྱིར་ངེས་ལུང་བསྟན།། དེ་ཕྱིར་རང་རིག་ཆོས་སྐུ་རྟོགས།། བཏང་སྙོམས་ལྷག་མཐོང་རིག་པར་ཤར།། ཀུན་གཞི་དག་ཕྱིར་རྐྱེན་ཐུབ
30b6 པས།། འགྱུར་མེད་ཡེ་ཤེས་ཆོས་ཀྱི་སྐུ།། དེ་ཡང་འདུས་པའི་སྙིང་པོ་ཉོན།། བཏང་སྙོམས་ལྷག་མཐོང་རང་བྱུང་དེ།། ཤེས་པ་གསལ་ལ་མི་རྟོག་པ།། ཆོས་སྐུ་མི་གཡོ་དོན་གྱིས་ཟིན།། དེ་ཕྱིར་ལུང་ལྡན་ཆོས་སྐུར
iiif viewer powered by OpenSeadragon
