| e-texts navigator |
| Wylie |
30a1 ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། བདེ་ལ་ཞེན་མེད་ཡེ་ཤེས་སུ་རྐྱེན་ཐུབ་པར་བསྟན་པའི་ལེའུ་སྟེ་ཉི་ཤུ་རྩ་དགུ་པའོ།། །། དེ་ནས་འདུས་པའི་ཚོགས་རྣམས
30a2 ལ།། ཀུན་རིག་སྟོན་པ་ཆོས་རྗེ་ཡིས།། སྡུག་བསྔལ་ཞི་བྱེད་བཀའ་སྩལ་པ།། སེམས་ཅན་ཀུན་ལ་གནས་པ་ཡི།། ཕྱི་ཡི་སྡུག་བསྔལ་ཞི་གྱུར་པའི།། ལུས་ཀྱི་སྡུག་བསྔལ་ནད་ཡིན་ཏེ།། བཞི་བརྒྱ་རྩ་གཅིག་འདུ་བ
30a3 བཞི།། མི་བདེ་སྣ་ཚོགས་བསྐྱེད་པར་བྱེད།། དེ་ཡང་འདུས་པའི་སྙིང་པོ་ཉོན།། ནང་གི་སྡུག་བསྔལ་བདག་གཞན་ལ།། བྱམས་བྲལ་སྡང་འཕྲད་དོགས་པ་དང་།། ཡོད་སྐྱོང་མེད་ཚོལ་ཞེན་པ་ཀུན།། ཕྱི་ཡི་སྡུག་བསྔལ
30a4 ཡིན་པར་གསུངས།། དེ་ཡང་འཁོར་གྱི་སྙིང་པོ་ཉོན།། རང་ལུས་ན་ཚ་བཟོད་དཀའ་སྟེ།། རྐྱེན་དབང་མི་གོལ་གདམས་ངག་ནི།། གང་ན་བློ་ཡིས་མ་བཟུང་བར།། བཟོད་དཀའ་རང་རིག་ཆོས་སྐུར་ཤེས།། སྔ་ཕྱི་མ
30a5 བཏང་ད་ལྟ་ཡི།། བདེ་སྡུག་བདག་ཀྱང་ཆོས་སྐུར་གསལ།། སྡུག་བསྔལ་རང་ཞི་ཡེ་ཤེས་འཆར།། ཡི་ཆད་ཁ་བཞིའི་རྐྱེན་རྣམས་ཐུབ།། དེ་ཡང་རྡོ་རྗེ་སེམས་དཔའ་ཉོན།། ཕྱི་ཡི་སྡུག་བསྔལ་རྣམས་བཞི་ལ།། ཞེན་པ
30a6 རང་རྒྱུད་མི་གོལ་བ།། ཡུལ་སེམས་པར་དོའི་གདམས་ངག་ནི།། ངེས་དོན་དྲན་པས་རྐྱེན་མི་ཚུགས།། སྡུག་བསྔལ་ཡེ་ཤེས་དང་དུ་ཤར།། རྣམ་རྟོག་མི་བྱེད་ཆོས་ཀྱི་སྐུ།། དེ་ཡང་འདུས་པའི་སྙིང་པོ་ཉོན།། དེ་དག་སྡུག
iiif viewer powered by OpenSeadragon
