| e-texts navigator |
| Wylie |
29b1 དབང་གིས་ཆོག་ཤེས་མེད།། དེ་ཡང་རྡོ་རྗེ་སེམས་དཔའ་ཉོན།། ནང་གི་ཞི་གནས་བདེ་བ་ནི།། གང་ཟག་བདག་མེད་འགགས་པ་རུ།། མི་གོལ་རྐྱེན་གྱི་གདམས་ངག་གིས།། སྒོ་ལྔ་མི་འགག་རང་གསལ་ལ།། ཡིད་ལ
29b2 ལྷག་མཐོང་དྲན་པས་བཟུང་།། རྐྱེན་ཐུབ་འབྲལ་མེད་ཡེ་ཤེས་ཡིན།། དེ་ཡང་འདུས་པའི་སྙིང་པོ་ཉོན།། ཆོས་ལ་བདག་མེད་བདེ་བ་ནི།། དབུ་མ་སེམས་ཙམ་བསྒོམ་པ་སྟེ།། དེར་མི་གོལ་བའི་གདམས་ངག་ནི།། བདེན
29b3 གཉིས་སེམས་སུ་བློ་མི་བསྡུ།། རིག་པས་མི་གཞིག་རང་ས་ལ།། ཡུལ་མེད་ཤེས་པ་རང་བྱུང་ཤེས།། ཡེངས་པ་མི་འབྱུང་རྐྱེན་ཐུབ་རྣམས།། དེ་ཕྱིར་འབྲལ་མེད་ཡེ་ཤེས་ཡིན།། དེ་ཡང་འདུས་པའི་སྙིང་པོ་ཉོན།། འཇིག
29b4 རྟེན་མི་གཡོའི་བདེ་བ་ནི།། བསམ་གཏན་གསུམ་སོགས་བདེ་བ་དེ།། ཞེན་པ་ཡོད་ཕྱིར་འཁོར་བའི་རྒྱུ།། དེར་མི་གོལ་བའི་གདམས་ངག་ནི།། ལུང་ལྡན་རྐྱེན་གྱི་གདམས་ངག་རྒྱུན།། ཤན་ཕྱེད་ངོས་ཟིན་ལ་ཟློས
29b5 ཕྱིར།། བདེ་བ་ཞེན་མེད་རྐྱེན་ཐུབ་པའི།། ཡིད་ཆེས་གདེང་གིས་ཟིན་པའི་ཕྱིར།། འགལ་རྐྱེན་མི་འབྱུང་ཆོས་སྐུར་གསལ།། དེ་ཡང་རྡོ་རྗེ་སེམས་དཔའ་ཉོན།། ཕྱི་འཛིན་ལོངས་སྤྱོད་ཡུལ་ལ་ཞེན།། དེར་མི་གོལ་བའི
29b6 དམམས་ངག་ནི།། ཡུལ་རིག་པར་དུ་བདག་གཞན་གྱི།། ངར་འཛིན་བདེན་འཛིན་དམ་པར་ནི།། སྣང་བར་ཞེན་པ་མེད་པའི་ཕྱིར།། ཕྱི་ཡི་ཡེངས་པའི་རྐྱེན་རྣམས་ཐུབ།། དེ་ཕྱིར་སྣང་བ་ཆོས་ཀྱི་དབྱིངས།། རྫོགས་པ
iiif viewer powered by OpenSeadragon
