| e-texts navigator |
| Wylie |
29a1 བྱ།། དབང་པོ་རབ་ཀྱིས་བཙལ་དུ་མེད།། ཐ་མལ་མི་རྟོག་གདམས་ངག་མེད།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། བསྒོམ་དུ་མེད་པར་ལ་བཟླ་བའི་ལེའུ་སྟེ་ཉི
29a2 ཤུ་རྩ་བརྒྱད་པའོ།། །། དེ་ནས་རྡོ་རྗེ་སེམས་དཔའ་ཡིས།། དད་ལྡན་འཁོར་ལ་ཕན་དོན་དུ།། ཀུན་རིག་སྟོན་པ་ཆོས་རྗེ་ལ།། བདེན་པའི་ཡིད་ཀྱིས་འདི་སྐད་གསོལ།། འབྲལ་མེད་རྐྱེན་ཐུབ་ཏིང་འཛིན
29a3 གྱིས།། ཡེ་ཤེས་བདེ་བ་རྐྱེན་ཐུབ་དང་།། སྡུག་བསྔལ་ཞི་བྱེད་རྐྱེན་ཐུབ་དང་།། བཏང་སྙོམས་ལྷག་མཐོང་རྐྱེན་ཐུབ་དང་།། རྨི་ལམ་ཀློང་ཐིམ་རྐྱེན་ཐུབ་དང་།། དུག་ལྔ་རང་གྲོལ་རྐྱེན་ཐུབ་དང་།། སྐྱེ་ཕྱིས་མི་ལེན
29a4 རྐྱེན་ཐུབ་རྣམས། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། བདེ་བ་ནང་ནས་ཕྱིར་བསྟན་པ།། ནང་གི་ཞི་གནས་བདེ་བ་སྟེ།། གང་ཟག་བདག
29a5 མེད་བདེ་བ་དང་།། ཆོས་ལ་བདག་མེད་བདེ་བ་དང་།། འཇིག་རྟེན་མི་གཡོའི་བདེ་བ་ཡིན།། དེ་ཡང་འདུས་པའི་སྙིང་པོ་ཉོན།། ཕོ་མོ་ལུས་ཀྱི་བདེ་བ་དང་།། རང་སེམས་རྟོགས་པའི་བདེ་བ་དང་།། ཐབས་ཟིན་འཕྲང
29a6 གི་བདེ་བ་དང་།། ཐབས་མེད་འདོད་ཆགས་བདེ་བའོ།། དེ་ཡང་འདུས་པའི་སྙིང་པོ་ཉོན།། ཕྱི་འཛིན་ལོངས་སྤྱོད་བདེ་བ་ཡང་།། ཟས་ནོར་འཁོར་གྱི་ལོངས་སྤྱོད་དང་།། འདོད་ཡོན་ལྔ་ལ་ཅི་བདེར་སྤྱོད།། ཞེན་པའི
iiif viewer powered by OpenSeadragon
