| e-texts navigator |
| Wylie |
28b1 མཆོག་ཏུ་དེ་གསུངས་སོ།། རྣལ་འབྱོར་སྤྱོད་ལམ་ཐམས་ཅད་དུ།། ལྟ་བའི་དམ་ཚིག་ཆེན་པོ་ནི།། མ་ནོར་མ་བཅོས་དམ་ཚིག་གིས།། དེ་རྟོགས་དེ་ལས་མི་འདའ་བས།། རྒྱལ་བ་རྣམས་ཀྱི་ཐུགས་དམ་ཡིན།། སྐྱེ་མེད
28b2 དོན་ལ་སེམས་ཞུགས་པའི།། ནམ་མཁའ་ལྟ་བུའི་རྣལ་འབྱོར་དེ།། དེ་ལས་མི་འདའ་དམ་ཚིག་ནི།། རང་རིག་ཆོས་སྐུ་དམ་པའི་མཆོག། བརྗོད་པ་མེད་པའི་དམ་ཚིག་ཡིན།། བསྲུང་དུ་མེད་པའི་ངང་དུ་བསྡམ།། དེ་ཉིད
28b3 དྲན་པའི་རྣལ་འབྱོར་པས།། སྤྱོད་ལམ་རྣམ་བཞི་གང་བྱེད་ཀྱང་།། འཆིང་བར་མི་འགྱུར་གྲོལ་བར་ངེས།། དེ་ཡང་འདུས་པའི་སྙིང་པོ་ཉོན།། སྙིང་པོ་ཆོས་སྐུ་རང་གསལ་དོན།། མ་བསྒོམས་འབྲལ་མེད་ཡེ་ཤེས
28b4 ཀློང་།། རང་སེམས་ཤེས་པ་སྣ་ཚོགས་པ།། ཡེ་ཤེས་ལས་ནི་གཞན་མེད་པ།། ཐ་མལ་རང་སེམས་ཆོས་ཉིད་ནི།། དེ་ཡང་མི་འགྱུར་ངོ་བོ་སྟོན།། དག་དང་མ་དག་གཞི་གཅིག་ཕྱིར།། དུས་དང་སྤྱོད་ལམ་ཐམས་ཅད
28b5 དུ།། གཉིད་དང་བར་དོར་བསྒོམ་པ་ནི།། ད་ལྟར་ཝལ་ལེ་སྣང་བ་རྣམས།། མ་རྟོགས་བར་དུ་འཁྲུལ་པ་སྟེ།། རྟོགས་ན་དེ་ཉིད་ཆོས་སྐུ་ཡིན།། དེ་ཡང་འདུས་པའི་སྙིང་པོ་ཉོན།། ཐིག་ལེ་མ་བཙལ་ལྷུན་གྱིས་གྲུབ།། ཡེ
28b6 ནས་རང་བྱུང་ཆོས་སྐུ་ནི།། ཡུལ་ཉིད་སེམས་སུ་མི་བསྒོམས་ཕྱིར།། སྒོམ་པ་པོ་ཡང་མེད་པར་འགྱུར།། གང་གིས་གང་ལ་བསམས་ཤིང་བསྒོམ།། དེ་ཕྱིར་གནས་ལུགས་བསྒོམ་དུ་མེད།། མ་རྟོགས་ཐབས་ཀྱིས་ཅི་ཞིག
iiif viewer powered by OpenSeadragon
