| e-texts navigator |
| Wylie |
28a1 མེད་སྐྱོན་ལ་དམ་པར་བལྟ།། མ་རིག་འཁྲུལ་པར་ཐེ་ཚོམ་མེད།། མི་བདེན་རྫུན་པར་ཤིན་ཏུ་སྨྲ།། དེ་ཡང་བློ་གྲོས་དམ་པ་ཉོན།། འདུ་ཤེས་བསྒྱུར་ནས་རང་འདོད་ཀྱིས།། མི་ཆོས་བླ་མའི་རྫུན་སོགས
28a2 བློས།། རང་སེམས་བཅོས་ཕྱིར་དོན་དང་འགལ།། དེ་བཞིན་ལྕེ་རྨོད་དམྱལ་བར་ལྟུང་།། དེ་ཡང་རང་སེམས་རྟོགས་པའི་དོན།། འཁོར་བ་མྱ་ངན་འདས་པའི་ཆོས།། གཉིས་ཀས་འབྲས་བུ་མི་འབྱིན་ན།། དུག་ལྔ་རང
28a3 གྲོལ་རྒྱལ་བའི་ཐུགས།། རྟོགས་ལ་དྲང་པོ་མ་བཅོས་པ།། སངས་རྒྱས་མཛད་སྤྱོད་དེ་གོ་བས།། གཡོ་སྒྱུ་མེད་པ་དམ་པའི་དོན།། དེ་ལྟར་རྣལ་འབྱོར་དམ་པའི་ལམ།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ
28a4 ཀློང་ཡངས་ཀྱི་རྒྱུད་ལས། གསང་བའི་སྤྱོད་པ་བསྟན་པའི་ལེའུ་སྟེ་ཉི་ཤུ་རྩ་བདུན་པའོ།། །། དེ་ནས་ཀུན་རིག་རྒྱལ་པོ་ཡིས།། མ་བསྒོམས་འབྲེལ་མེད་བཀའ་སྩལ་པ།། སེམས་ཉིད་བསྒོམ་དུ་མེད་པའི
28a5 དཔེ།། ནམ་མཁའ་བསྒོམ་དུ་སེམས་དང་བྲལ།། དེ་བཞིན་སེམས་ཀྱི་སེམས་བསྒོམ་དུ།། ཆོས་ཉིད་སྤྱད་པའི་ཡུལ་ལས་འདས།། སེམས་ཀྱི་གཞི་ཤེས་བསྒོམ་མི་དགོས།། དོན་གཉིས་ཚིག་ཏུ་འབྱུང་བའི་ཕྱིར།། ཚིག་ལ
28a6 དོན་མེད་ཟེར་བ་འཁྲུལ།། དེ་ཡང་རྡོ་རྗེ་སེམས་དཔའ་ཉོན།། རྒྱུན་དུ་འབྲལ་མེད་ཆོས་ཀྱི་སྐུ།། ཉམས་མྱོང་མེད་པ་ཉམས་ཀྱི་མཆོག། ཅི་ཡང་ཡིད་ལ་མི་བྱེད་ན།། གོལ་དང་སྒྲིབ་པར་ག་ལ་འགྱུར།། བསྒོམ་པའི
iiif viewer powered by OpenSeadragon
