| e-texts navigator |
| Wylie |
27b1 འབུལ།། བླ་མ་ངེས་པའི་ལུང་ལྡན་གྱིས།། དེ་ལ་གསང་བའི་སྐུ་ལྔ་བྱིན།། དེ་ཕྱིར་མ་བྱིན་བླངས་ན་གྲོལ།། ད་ཡང་འཁོར་གྱི་སྙིང་པོ་ཉོན།། གནས་སྐབས་འབྲེལ་བའི་ལུས་ཡོད་པས།། འཚོ་བའི་བཟའ་བགོ་དགོས
27b2 པའི་ཕྱིར།། ལོག་འཚོའི་གཡོ་སྒྱུ་མ་ཡིན་པར།། ཆོས་ཀྱིས་འཚོ་བའི་རྫས་རྣམས་བཙལ།། དེ་ཡང་ལམ་གྱི་རྣལ་འབྱོར་པས།། བུང་བ་བཅུད་ལེན་ཞེན་མེད་ལྟར།། ཁྱིམ་པ་སུན་ནི་མ་ཕྱུང་བར།། འཚོ་བའི་ཡོ་བྱད་ཚོད
27b3 ཟིན་བྱ།། དེ་ཡང་རྡོ་རྗེ་སེམས་དཔའ་ཉོན།། ལུས་ལ་ཕོ་མོ་ཡོད་པའི་ཕྱིར།། སེམས་ཅན་ལས་ཀྱི་ཆགས་སྤྱོད་ཚེ།། འཁོར་བའི་འབྲས་བུ་མ་སྨིན་ན།། དོན་ཟིན་བདེ་བ་གྲོགས་སུ་ཆེ།། དེ་ཕྱིར་སྔ་ཕྱི་མ་སོང་བའི།། ཡེ
27b4 ཤེས་ཆོས་སྐུ་རང་ཡིན་པས།། དེ་ལ་སྐྱོན་གྱིས་མི་གོས་ཕྱིར།། ཐབས་དང་ལྟ་བས་ཟིན་པར་བྱ།། དེ་ཡང་བློ་གྲོས་དམ་པ་ཉོན།། བདག་ཉིད་མ་ཡིན་གཞན་དག་ལ།། ཆགས་སེམས་ཙམ་ཡང་མི་བྱ་ལ།། དམ་ཚིག་སྡོམ
27b5 པ་སྲུང་བ་དང་།། རྒྱལ་རིགས་མོ་དང་བསླབ་སྲུང་དང་།། བདག་པོ་ཅན་གྱི་བུད་མེད་ནི།། རྩ་བ་ཡན་ལག་དམ་ཚིག་གི།། ཉམས་པར་བྱེད་པའི་བཞི་ཡིན་ཕྱིར།། རོ་མྱགས་ངུ་འབོད་དམྱལ་བར་ལྟུང་།། བག་ཆགས
27b6 ཞེན་པའི་རྒྱུ་ཡིན་པས།། བལྟ་བས་མ་ཟིན་རྟག་ཏུ་སྤང་།། ཞེན་མེད་ཆོས་སྐུའི་སྤྱོད་པར་བཤད།། དེ་ཕྱིར་འཁོར་སྤངས་རབ་ཏུ་གཅེས།། དེ་ཡང་འདུས་པའི་སྙིང་པོ་ཉོན།། འཇིག་རྟེན་འཁོར་བ་རྫུན་གྱི་ཆོས།། ཡོད
iiif viewer powered by OpenSeadragon
