| e-texts navigator |
| Wylie |
27a1 མི་འགྱུར།། ཀུན་བཟང་ཤེས་རབ་མཚོན་རྣོན་གྱིས།། ཐོག་མཐའི་བར་དུ་མ་རིག་བསད།། དེ་ཡང་སེམས་ཅན་སྲོག་འདི་ལ།། ལུས་འདི་གནས་སྐབས་འབྲེལ་ཡོད་ཀྱི།། ལུས་ཅན་སྲོག་ནི་བཅད་མི
27a2 བྱ།། གལ་ཏེ་ཞེ་སྡང་སྲོག་གཅོད་ན།། རང་སེམས་མ་རྟོགས་ཐ་མལ་ཏེ།། སྐྱབས་འགྲོ་ཉམས་ཕྱིར་དམྱལ་བར་ལྟུང་།། སྐྱེ་བོ་བདུན་འགྱུར་སྡིག་པ་ཆེ།། དེ་ཡང་བློ་གྲོས་དམ་པ་ཉོན།། ནམ་མཁའ་མེ་ཡིས་མི་ཚིག
27a3 བཞིན།། དེ་བཞིན་དོན་རྟོགས་རྣལ་འབྱོར་པས།། སློབ་དཔོན་སྐུ་དགྲ་ལ་སོགས་པ།། བསྒྲལ་བའི་ཞིང་བཅུ་བསྒྲལ་འགྱུར་ཀྱང་།། སྒྲིབ་པར་མི་འགྱུར་ཚོགས་སུ་འགྱུར།། ངོ་བོ་ཉིད་ཀྱི་སྐུར་དྲན་ན།། མ་རིག་སྲོག་ནི
27a4 བཅད་པའི་ཕྱིར།། སྲོག་གི་ནང་ན་དམ་པའི་མཆོག། དེ་དང་མི་འབྲལ་མངོན་སངས་རྒྱས།། དེ་ཡང་འདུས་པའི་སྙིང་པོ་ཉོན།། གཞན་གྱི་མི་དང་མི་མ་ཡིན།། རྒྱུད་བཟུང་ནོར་ནི་དངོས་པོའི་རྫས།། གསང་སྔགས་སྒོར
27a5 ཞུགས་རྣལ་འབྱོར་པས།། རྐུ་བའི་སེམས་ཀྱིས་བླང་མི་བྱ།། དེ་ཕྱིར་བདག་ཉིད་རྫས་ལ་ཡང་།། མ་བྱིན་བླང་སེམས་དྲན་ན་ནི།། ཡི་དྭགས་གནས་སུ་སྐྱེ་འགྱུར་གསུངས།། གཞན་གྱི་རྫས་ལ་སྨོས་ཅི་དགོས།། དེ་ཡང
27a6 བློ་གྲོས་དམ་པ་ཉོན།། རྒྱ་མཚོ་སྒྱོགས་ཀྱིས་མི་འགྲིབ་ལྟར།། དོན་རྟོགས་རྣལ་འབྱོར་གདེང་ལྡན་པས།། སེར་སྣས་བཅིངས་པའི་རྫས་རྣམས་ནི།། གཡོ་སྐུའི་ཐབས་ཀྱི་ནོར་བླངས་ལ།། བླ་མ་དཀོན་མཆོག་ཚོགས་སུ
iiif viewer powered by OpenSeadragon
