| e-texts navigator |
| Wylie |
26b1 ལ་ལྷ་བཤགས་དང་།། སྐྱེ་ཤི་དུས་ཀྱི་སྨོན་ལམ་བཏབ།། དེ་ཡང་རྡོ་རྗེ་སེམས་དཔའ་ཉོན།། དེ་ལྟར་ཚོགས་ཆེན་གཉིས་རྫོགས་མིའི།། སྟོང་གསུམ་སངས་རྒྱས་སར་ཤེས་ཀྱང་།། གྲོང་ཡུལ་གནས་ལ་ཆགས་མི
26b2 བྱ།། ཅི་སྤྱོད་རྒྱལ་བའི་མཛད་སྤྱོད་ཀྱང་།། འདུ་འཛི་གཡེང་ཕྱོགས་དབང་མེད་གཏང་།། རྣམ་སྨིན་ལུས་དང་མ་བྲལ་ཀྱང་།། སེམས་ལ་ཆོས་སྐུ་ཤིན་ཏུ་གསལ།། ཉིན་དང་མཚན་མོ་དབྱེ་རུ་མེད།། ཅི་སྤྱོད་རང་བྱུང་ཡེ
26b3 ཤེས་ལ།། མ་ཆགས་དང་དུ་བླང་བ་མེད།། རྟོག་པ་སྐྱོན་དུ་འབོར་བ་མེད།། དཀའ་ཐུབ་ཚུལ་གྱིས་བསྡམ་པ་མེད།། གང་ཡང་བློ་ཡི་རྟེན་མེད་ཀྱང་།། འོན་ཀྱང་མ་གོ་དྲང་བའི་ཕྱིར།། རེ་ཞིག་ཙམ་དུ་དཀར
26b4 ཆོས་སྤྱོད།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། གསང་སྔགས་ཀྱི་ཚོགས་འབུལ་བའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ
26b5 པོས་བཀའ་སྩལ་པ།། ཆོས་རྣམས་ཀུན་གྱི་རྩ་བ་ནི།། སྲོག་ནི་རྣམ་པ་གཉིས་སུ་འདུས།། མ་རིག་ཐར་པ་གང་སྤྱོད་པ།། དེ་ཡི་བྱེ་བྲག་ངས་བཤད་ཉོན།། ཐར་པ་མྱ་ངན་འདས་པའི་ཆོས།། སེམས་གསང་ལྟ་ཉམས་རང
26b6 སྲོག་གཅོད།། ཉོན་མོངས་དབང་དུ་གྱུར་པས་ན།། འདུས་བྱས་ཆོས་ཀྱིས་མི་སྐྱོབ་ལྟུང་།། དེ་ཡང་རྡོ་རྗེ་སེམས་དཔའ་ཉོན།། དུག་ལྔ་འཁོར་བའི་རྩ་བ་ནི།། མ་རིག་ཀུན་གཞི་ཡིན་པའི་ཕྱིར།། ལུས་ཅན་སྲོག་ནི་བཅད
iiif viewer powered by OpenSeadragon
