| e-texts navigator |
| Wylie |
25b1 ངག་རྒྱུད་དོན་རང་རིག་ལྷ།། རྩོལ་མེད་འབྲས་བུའི་ཆོས་དང་ནི།། དོན་ལྡན་རྣལ་འབྱོར་མཁའ་འགྲོ་ལ།། ལུས་ངག་ཡིད་ཀྱིས་ཕྱག་འཚལ་ནས།། བླ་མེད་མཆོད་གཏོར་གཏོང་བའི་ཚེ།། ཕྱི་ཡི་འཇིག་རྟེན་སྣོད་ནང
25b2 དུ།། བདུད་རྩིའི་རྒྱ་མཚོ་གཏིང་ཟབ་གྱུར།། དེ་སྟེང་འབྲུ་ཡི་ཕྱེ་བཏབ་པས།། གསེར་གྱི་ས་གཞི་ཆེན་པོར་གྱུར།། མེ་ཏོག་སྣ་ཚོགས་གཏོར་བས་ན།། འཛམ་གླིང་བྱེ་བ་ཕྲག་བརྒྱར་བསམ།། རིན་ཆེན་སྣ་ལྔ་བརྡར་བས
25b3 ནི།། རིན་ཆེན་རི་བདུན་མ་བསྐྱེད་རྫོགས།། སྙིང་པོ་རྣམ་ལྔ་བླུགས་པ་ཡིས།། མི་བརྗེད་དྲན་པའི་གཟུངས་ཐོབ་འགྱུར།། སྨན་ལྔ་འབྲུ་ལྔ་བླུགས་པ་ཡིས།། ནད་དང་མུ་གེའི་བསྐལ་པ་ཐར།། ལྟ་བས་བྱིན་གྱིས་བརླབས
25b4 པའི་ཕྱིར།། མགྲོན་བཞིར་རིམ་པས་བསྔོ་མི་དགོས།། དེ་ཡང་འདུས་པའི་སྙིང་པོ་ཉོན།། བསྔོ་བ་མེད་པའི་བསྔོ་བ་ནི།། བླ་མེད་མྱ་ངན་འདས་པས་ན།། འཇིག་ཚོགས་དམྱལ་བ་ཡན་ཆད་དུ།། བླ་མེད་མཆོད་སྦྱིན་འདི
25b5 བསྔོས་པས།། སེམས་ཅན་བསམ་པ་འགྲུབ་གྱུར་ནས།། ལྷུན་གྲུབ་ས་ལ་གནས་པར་ཤོག། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། ཕྱིའི་མཆོད་གཏོར་བཏང་བའི་ལེའུ་སྟེ་ཉི་ཤུ་རྩ
25b6 ལྔ་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་ཡང་གསུངས་པ།། ནང་གི་མཛད་སྤྱོད་ཚོགས་ཆེན་ནི།། ཕྲིན་ལས་རྣམ་པ་བཞི་ཡི་ཆོས།། དོན་ལྡན་དབང་བསྐུར་བྱེད་ལ
iiif viewer powered by OpenSeadragon
