| e-texts navigator |
| Wylie |
25a1 ཡང་འདུས་པའི་སྙིང་པོ་ཉོན།། སངས་རྒྱས་སེམས་ཅན་རྣལ་འབྱོར་པས།། སོ་སོར་སྣང་བ་མ་ཡིན་ཏེ།། མ་འཁྲུལ་མ་རྟོགས་གོང་རོལ་གྱི།། ངོ་བོ་ཉིད་ཀྱི་སྐུ་དང་ནི།། མ་འཁྲུལ་རྟོགས་པའི་ཀུན
25a2 བཟང་ཐུགས།། འཁྲུལ་ནས་མ་རྟོགས་སེམས་ཅན་སེམས།། འཁྲུལ་ཀྱང་རྟོགས་པའི་རྣལ་འབྱོར་ཟུགས།། ངོ་བོ་གཅིག་ཕྱིར་གོལ་ས་མེད།། དེ་ཚེ་ཆོས་སྐུ་ཟད་ཀ་མ།། མི་འགྱུར་བརྟན་པས་གསེར་བཞིན་ནོ།། རྫོགས
25a3 པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློངས་ཡངས་ཀྱི་རྒྱུད་ལས། དུས་བཞི་རིགས་སྤྱོད་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ
25a4 པ།། མཐུན་འཇུག་ཐབས་ཀྱི་སྤྱོད་པ་ཡི།། ཚོགས་ཆེན་མ་ལུས་རྫོགས་པ་ཡིས།། འགྲོ་དོན་ཐུགས་རྗེ་མཐར་དབྱུང་ཕྱིར།། རྫོགས་ཆེན་ཤིན་ཏུ་རྣལ་འབྱོར་པས།། བླ་མེད་གོ་འཕང་མཆོག་བརྙེས་པར།། སེམས་ཅན
25a5 གནས་ཕྱིར་བླ་མ་བཀུར།། བླ་མ་བསྒོམ་ན་ཆོས་སྐུ་བསྒོམ།། ལྷ་སྐུའི་འབུམ་ཕྲག་སྟོང་བསྒོམས་པའི།། བསོད་ནམས་དེ་ཡི་ཆར་མི་ཕོད།། དེ་ཕྱིར་དཀར་པོའི་ཆོས་སྤྱོད་ཀྱི།། ཉན་བཤད་བསྒོམ་དང་འཛིན་པ
25a6 དང་།། མཆོད་གཏོར་ལ་སོགས་གང་བྱེད་ཀྱང་།། སྔོན་དུ་འགྲོ་བའི་ལས་བྱེད་ཕྱིར།། བླ་མ་དུས་གསུམ་སངས་རྒྱས་དཔལ།། དཀྱིལ་འཁོར་སྒོར་ཞུགས་ཐམས་ཅད་ཀྱི།། འབྲལ་མེད་ཡི་དམ་ལྷ་ཚོགས་དང་།། མན
iiif viewer powered by OpenSeadragon
