| e-texts navigator |
| Wylie |
24a1 དྲན་པས།། ཆོས་ཉིད་ཡེ་ཤེས་ཀློང་དུ་བྱིང་།། བུམ་ནང་རིན་ཆེན་གཏེར་དང་འདྲ།། དབང་པོ་རབ་ཀྱི་བསྒོམ་པ་ལ།། ཉམས་དང་མི་ཉམས་མེད་པའི་ཕྱིར།། འབྲལ་མེད་དོན་ལ་བཅོས་མི་དགོས།། སྤྲིན
24a2 མེད་ནམ་མཁའ་ཇི་བཞིན་ནོ།། དེ་ཡང་བློ་གྲོས་དམ་པ་ཉོན།། ཉི་ཟླ་གཟས་ཟིན་དཔེ་བཞིན་དུ།། དབྱིངས་དང་ཆོས་སྐུ་དུས་མཉམ་ཕྱིར།། ཆོས་ཉིད་རང་གསལ་རང་གནས་པས།། ཡེ་ཤེས་མི་འབྲལ་རྫོགས་པ
24a3 ཡིན།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། རང་སེམས་ཆོས་སྐུར་ངོ་སྤྲོད་པའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་འདུས་པའི་འཁོར་རྣམས་ལ།། འབྲལ་མེད་སྤྱོད
24a4 པ་བཀའ་སྩལ་པ།། རང་སེམས་ལྟ་བ་རྟོགས་པ་ཡིས།། མཉམ་རྗེས་དུག་ལྔ་གཅིག་ཏུ་ཤེས།། དེ་ཚེ་ཉོན་མོངས་ཅི་སྤྱད་ཀྱང་།། ངོ་བོ་ཉིད་ལ་འཕེལ་འགྲིབ་མེད།། དེ་ཡང་འདུས་པའི་སྙིང་པོ་ཉོན།། དེ་ཙམ་ཉིད་ན་ངོ་བོ
24a5 ཉིད།། དེ་དོན་མི་བརྗེད་རྟོགས་པའི་ཕྱིར།། ཆེད་དུ་བྱས་ལ་བསྒོམ་མི་བྱ།། མ་གི་ཏ་ལ་གང་རེག་འདྲ།། ཡུལ་ཉིད་སེམས་སུ་མི་བསྒོམ་པས།། དྲན་རིག་ཆོས་ཉིད་བྱང་ཆུབ་སེམས།། དེ་ཉིད་སྤྱོད་པའི་ཡུལ་ལས
24a6 འདས།། དེ་ཕྱིར་དོན་ལ་ཉམས་པ་མེད།། དེ་ཡང་འཁོར་གྱི་སེམས་དཔའ་ཉོན།། གཉིད་ཉིད་བསྒོམ་པར་གསལ་ཐེབས་ནས།། ལྡོག་ཀ་སད་ཀའི་དུས་དག་ཏུ།། དེ་ཚེ་ཆོས་སྐུའི་དོན་དྲན་ན།། རིན་ཆེན་ག་འུར་བཅུག།
iiif viewer powered by OpenSeadragon
