| e-texts navigator |
| Wylie |
23b1 མེད་ཅིང་འགག་པ་མེད།། རྣམ་རྟོག་མཚན་མ་གཞི་ནས་མེད།། ཉོན་མོངས་ངར་འཛིན་རྣམས་དང་བྲལ།། འཕེལ་འགྲིབ་སྐྱོན་རྣམས་ངང་གིས་མེད།། དེ་ཡི་ངང་ལ་གནས་ཐབས་ནི།། སྔ་ཕྱི་གཞི་ལ་མེད་ཤེས
23b2 པས།། སེམས་ཅན་དུས་ན་ཆོས་ཀྱི་སྐུ།། ཡིད་ཀྱི་ཡུལ་དུ་མ་བསྒོམས་ཀྱང་།། རང་བྱུང་རིག་པའི་ཏིང་འཛིན་གསལ།། དེ་ཡང་རྡོ་རྗེ་སེམས་དཔའ་ཉོན།། རང་གི་ཐིག་ལེའི་དོན་ལྟ་ན།། རབ་འབྲིང་ཐ་མའི་བློ་ཚད
23b3 དུ།། རིམ་གྱིས་བསྒོམས་པར་ངས་བཤད་ཀྱིས།། གཞན་དུ་མ་ཡེངས་ཡིད་ལ་ཟུང་།། ཐ་མ་རྣལ་འབྱོར་སྒོམ་པ་པོས།། སྔ་ཕྱི་མེད་པའི་གཉུག་མ་ལ།། མ་འཕྲོས་མ་བྱིང་རང་ལུགས་ཙམ།། དེ་ལ་རྒྱུན་དུ་མ་ཡེངས
23b4 བསྒོམ།། ཆགས་སྡང་དབང་གིས་འཕྲོ་གྱུར་ན།། དོན་དམ་དགག་བསྒྲུབ་མེད་པའི་ཕྱིར།། རང་བྱུང་སྙིང་པོ་རང་ཤར་བས།། བ་མོར་ཉི་ཤར་ཇི་བཞིན་ནོ།། གཏི་མུག་དབང་གིས་བྱིང་བ་ནི།། རང་སེམས་ཤེས་པ
23b5 གཟེངས་བསྟོད་ལ།། ཕྱི་རོལ་ཡུལ་ལ་མི་སྤྱད་པར།། དབང་པོ་སྒོ་དབྱེ་ཡན་དུ་གཞུག། འབྲིང་གི་རྣལ་འབྱོར་སྒོམ་པ་པོས།། ཆོས་སྐུ་ནམ་མཁའ་ལྟ་བུ་ལ།། ཇི་བཞིན་པ་ཡི་ཡེ་ཤེས་དེ།། བརྗོད་མེད་རྒྱུན་མི་ཆད་པར
23b6 ལྟལྷ།། གལ་ཏེ་བྱུང་ཚོར་རྟག་ཆད་རྣམས།། རྣམ་རྟོག་ཡེ་ཤེས་བསྐུལ་མར་ཤེས།། མེ་ལ་ཤིང་བསྣན་ཇི་བཞིན་དུ།། དེ་ཙམ་ཉིད་ནས་བསྒོམ་པ་གསལ།། སྒོ་ལྔ་ཤེས་པ་རྨུགས་གྱུར་ན།། ཉམས་གསུམ་བསྲེས་པའི་དོན
iiif viewer powered by OpenSeadragon
