| e-texts navigator |
| Wylie |
23a1 རྟོག་པའི་ཞེན་པ་ཟློག། ཀུན་དུ་རྒྱུ་བའི་སྐྱེ་ལམ་བཞིན།། མཐར་ཟུག་འབྲེལ་པ་མེད་པ་ཡིས།། ཟ་དད་གཅིག་ཏུ་མི་བསམ་པས།། སྣང་བ་འདི་ལ་དོན་མི་བཞག། ད་ཡང་འདུས་པའི་སྙིང་པོ
23a2 ཉོན།། དཔེར་ན་ཁྱུང་ཆེན་མཁའ་ལྡིང་ལ།། ཆུ་ཀླུང་གྱེན་ཐུར་ཉམས་མི་ང་།། བར་སྣང་ཁམས་ཀུན་ལམ་དུ་བདེ།། དམིགས་པའི་ས་ཕྱོགས་ཡུད་ཀྱིས་ཕྱིན།། དེ་བཞིན་སྣང་བ་མ་བཅོས་པས།། སྣ་ཚོགས་མདུན་ན་སྣང
23a3 བཞིན་དུ།། སྣང་ཙམ་ཉིད་ནས་སྤང་སྡུད་མེད།། ཞེན་མེད་རྣལ་འབྱོར་སྤྱོད་ཡུལ་ལ།། འཁྲུལ་པའི་རྟོག་པས་གཞི་མི་འགྱུར།། བཙལ་བའི་བསམ་པས་དབྱིངས་མི་བསྐྱེད།། དེ་ཡང་འདུས་པའི་སྙིང་པོ་ཉོན།། ཉི་མ་ལྟ
23a4 བུའི་ཆོས་ཀྱི་སྐུ།། ཐིག་ལེའི་རྩལ་ནི་མ་འགགས་པས།། སྒོ་ལྔ་གསལ་བ་ཉི་ཟེར་འདྲ།། ངོ་བོ་གཅིག་ཕྱིར་དགག་བསྒྲུབ་མེད།། དེ་ཕྱིར་ཆོས་ཀྱི་དབྱིངས་ཞེས་བྱ།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང
23a5 ཡངས་ཀྱི་རྒྱུད་ལས། སྣང་བ་མ་བཅོས་ཆོས་ཀྱི་དབྱིངས་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། ཆོས་སྐུ་ངོ་སྤྱོད་བཀའ་སྩལ
23a6 པ།། རྣམ་སྨིན་ལུས་དང་བཅས་པ་ཡིས།། ཐ་མལ་ཀུན་གཞི་གཞི་ཆ་ལ།། སྔ་ཕྱི་རང་བྲལ་ཆོས་སྐུ་གསལ།། ཆུ་དངས་རྙོག་མེད་དཔེ་བཞིན་ནོ།། དེ་ཡང་འདུས་པའི་སྙིང་པོ་ཉོན།། ཡང་དག་ཟབ་མོ་ཆོས་སྐུ་ནི།། སྐྱེ་བ
iiif viewer powered by OpenSeadragon
