| e-texts navigator |
| Wylie |
22b1 རིག་པ་མ་བསླད་ངོ་བོ་ཉིད་ཀྱི་སྐུ་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་ཀུན་རིག་རྒྱལ་པོ་ཡིས།། སྣང་བའི་མཚན་ཉིད་བཀའ་སྩལ་པ།། རྣམ་བཞིའི་ཕྱི་ལ་བར་སྣང་ནང་།། གསུམ་བྲལ
22b2 སྣང་བ་ཆོས་ཀྱི་དབྱིངས།། གཅིག་ལས་ཐ་དད་དངོས་འཛིན་པས།། ཉི་མའི་ཟེར་དང་འཆར་དོགས་བཞིན།། དགག་བསྒྲུབ་མེད་ཕྱིར་ཆོས་ཀྱི་དབྱིངས།། དེ་ཡང་འདུས་པའི་སྙིང་པོ་ཉོན།། དྲེད་མོ་གདོས་ཐག་མ་ཆོད
22b3 པར།། བྲིད་པ་སྡིག་གཉིས་ཀྱིས་མི་ཕན་བཞིན།། ཡུལ་དང་གོལ་ས་མཆོད་པར།། ཅི་བསྒོམ་དོན་མེད་འཁོར་བར་འཁྱམས།། འཁྲུལ་པ་ལས་ནི་ཡུལ་མེད་ཀྱང་།། འབྱུང་བ་ཆེན་པོ་ལྔ་ཉིད་ལ།། རང་སེམས་རིག་པའི
22b4 དོན་མེད་པར།། རང་བྱུང་ཡིན་ཕྱིར་ཡེ་ཤེས་མིན།། དེ་ཡང་འདུས་པའི་སྙིང་པོ་ཉོན།། གསེར་དང་སེར་པོའི་ཚུལ་བཞིན་དུ།། བྱིས་པ་ཐ་དད་ཞེན་ཟློག་ཕྱིར།། བདག་ཉིད་གཅིག་པའི་འབྲེལ་བ་ཡོད།། དེ་ཕྱིར་ཡུལ
22b5 འདི་སྤང་མི་དགོས།། ཕྱི་ཡི་འབྱུང་བར་སེམས་སྡུད་པས།། ཟེར་མཐོང་སྙིང་པོ་མ་མཐོང་བཞིན།། གཉིས་མེད་སྣང་སྟོང་ཁས་མི་ལེན།། ཡུལ་ལ་རྩོད་ཕྱིར་དོན་མི་རྟོགས།། བདེན་པ་མཐོང་བའི་དགེ་སློང་ནི།། འཁོར
22b6 འདས་ལོངས་སྤྱོད་མི་སྡུད་བཞིན།། གཞི་ལ་སྣང་བ་མེད་པའི་ཕྱིར།། ཡུལ་འདི་སེམས་སུ་བློས་མི་སྡུད།། མེ་དང་དུ་བའི་ཚུལ་བཞིན་དུ།། སྣང་བ་འདི་ལ་རང་རྒྱུད་དུ།། རང་སེམས་ཡུལ་དུ་འཁྲུལ་པ་ཡིས།། བདག་ཏུ
iiif viewer powered by OpenSeadragon
