| e-texts navigator |
| Wylie |
22a1 སྐུ་མཆོག་ནི།། དངོས་པོ་མཐའ་བྲལ་ཉོན་མོངས་ལྡོག། སྟོང་པའི་མཐའ་བྲལ་ངོ་བོ་ཉིད།། གཉིས་ཀ་ལས་བཟློག་ཆོས་ཀྱི་སྐུ།། དེ་ཡང་འཁོར་གྱི་སྙིང་པོ་ཉོན།། མཚན་ཉིད་ཕྱིར་བལྟས་འདྲ་བ
22a2 མེད།། རྒྱལ་པོ་གདུང་ཆང་བུ་བཞིན་དུ།། ཁ་དོག་འདི་འདྲ་མཚོན་མི་ནུས།། གདོད་ནས་དཔེ་མེད་ཆོས་ཀྱི་སྐུ།། ནང་དུ་བསམ་པའི་ཡིད་མེད་དེ།། ནམ་མཁའ་ལྕགས་ཀྱིས་བྱུག་པ་བཞིན།། རིག་ཚོར་རྣམ་པ་ཅིར་ཡང
22a3 སྣང་།། དྲན་པ་ཉིད་ནི་ཡེ་ཤེས་ཀློང་།། ཡུལ་གྱི་སྣང་གྲག་འདི་ཉིད་ལ།། ཉི་མ་ཤར་ནས་མུན་མེད་ལྟར།། ད་ལྟའི་རང་སེམས་ཆོས་ཀྱི་སྐུ།། དེ་ལ་འཁོར་བའི་རང་བཞིན་མེད།། འགྲོ་དྲུག་སེམས་ཅན་ཐམས་ཅད
22a4 ལ།། ཏིལ་ལ་མར་གྱིས་ཁྱབ་པ་བཞིན།། རང་སེམས་ཡེ་ཤེས་བྱང་ཆུབ་སེམས།། བདེར་གཤེགས་སྙིང་པོ་ཆོས་སྐུས་ཁྱབ།། ཡེ་ནས་དོན་དང་མི་བྲལ་བའི།། ལུང་ལྡན་རྐྱེན་གྱིས་རང་སེམས་རྟོགས།། ནོར་བུ་རིན་ཆེན
22a5 འོད་བཞིན་དུ།། ཡེ་ཤེས་དག་པ་འཆར་ནུབ་མེད།། འཁོར་བ་དག་གི་མཚན་ཉིད་ཀྱང་།། མིན་པ་ཙམ་གྱི་མི་སྤངས་པར།། ཡང་དག་དོན་དུ་མི་བྱའི་ཕྱིར།། དགག་བསྒྲུབ་མེད་པ་ཙམ་དུ་བཞག། མྱ་ངན་འདས་པའི
22a6 ཆོས་ཀུན་ཀྱང་།། ཡིན་པ་ཙམ་གྱིས་མི་བླང་བར།། སེམས་ཅན་གདུལ་ཕྱིར་མ་གཏོགས་པར།། ཆེད་དུ་མི་བསྒྲུབ་བཏང་སྙོམས་བཞག། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས།།
iiif viewer powered by OpenSeadragon
