| e-texts navigator |
| Wylie |
21b1 པའི་རྒྱལ་པོས་བཤད་དུ་གསོལ།། ཞུས་པའི་དོན་གསན་བཀའ་སྩལ་པ།། ང་ཡི་ཆོས་ཉིད་གནས་ལུགས་ནི།། སེམས་ཅན་མེད་པའི་གོང་རོལ་དུ།། བག་ཆགས་མ་བསགས་ལུས་མ་བླངས།། སངས་རྒྱས་མེད་པའི་སྔོན
21b2 རོལ་དུ།། རྟོགས་པ་མ་བཞག་བྱང་མ་ཆུབ།། འཁོར་འདས་མ་རིག་ཀུན་གྱི་གཞི།། དེ་ཡང་རྡོ་རྗེ་སེམས་དཔའ་ཉོན།། དངོས་མེད་སེམས་ཀྱི་སྙིང་པོ་ནི།། འདུས་མ་བྱས་པའི་གཉུག་མ་ལ།། བཟང་ངན་རྣམ་རྟོག་གཏིང
21b3 ནས་མེད།། རྒྱུ་རྐྱེན་མེད་པའི་སྙིང་པོ་ཡིན།། མ་རིག་མེད་པའི་རང་འབྱུང་ནི།། མི་སྲིད་ཕུང་པོ་ག་ལ་སྐྱེ།། ལུས་མེད་ཆོས་སྐུ་འགྱུར་མེད་དེ།། རང་འབྱུང་སངས་རྒྱས་ཡང་དག་ཡོད།། ཐ་སྙད་མིང་བས་ང་སྔའི
21b4 ཕྱིར།། ཡོད་ཅིང་རྟག་པར་སྒྲོ་མ་འདོགས།། སྟོང་པ་ཉིད་པས་ང་སྔའི་ཕྱིར།། ང་ལ་མེད་པར་སྐུར་མ་འདེབས།། འབྱུང་བཞི་མ་འབྲེལ་རིག་པ་ལ།། སྒྲིབ་བྱེད་མེད་པར་རང་གསལ་འདི།། དུས་གསུམ་གཅིག་པ་ཤེས
21b5 པའི་རྒྱུན།། མ་བྱུང་མ་སྐྱེས་ད་ལྟ་ཉིད།། དེ་ཡང་འཁོར་གྱི་སྙིང་པོ་ཉོན།། རང་བྱུང་སྐུ་ལ་སྐྱེ་འཆི་མེད།། དེ་ཕྱིར་འཁོར་བ་ལྟུང་མ་མྱོང་།། དོན་མ་རྟོགས་པའི་སངས་རྒྱས་མེད།། དེ་ཕྱིར་མྱ་ངན་འདས་མ་མྱོང་།། རང
21b6 གསལ་ང་ཉིད་ཀུན་གྱི་མེས།། དེ་ཡང་འདུས་པའི་སྙིང་པོ་ཉོན།། དངོས་པོ་མེད་པས་ནམ་མཁའ་འདྲ།། མི་འགྱུར་སྲ་བས་རྡོ་རྗེ་འདྲ།། སྐྱེ་བ་མེད་པས་ཨ་དང་འདྲ།། དོན་མ་ཡིན་ཕྱིར་དཔེ་འདི་བསྟན།། ངོ་བོ་ཉིད་ཀྱི
iiif viewer powered by OpenSeadragon
