| e-texts navigator |
| Wylie |
21a1 ཤེས་འཛོམ་པ་ནི།། མར་གྱི་ཡང་ཞུན་ལྟ་བུར་གསུངས།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། རང་བྱུང་གི་ཡེ་ཤེས་ཀྱི་དབྱེ་བ་བསྟན་པའི་ལེའུ་སྟེ་བཅུ་དགུ་པའོ།།
21a2 དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ལུང་ལྡན་བླ་མའི་གདམས་ངག་གིས།། རང་སེམས་སྙིང་པོ་ཆོས་སྐུ་ནི།། བསྟན་ན་དེ་མ་ཟག་ཏུ་ཤེས།། མ་བསྟན་བར་དུ་ཤེས་མི
21a3 སྲིད།། དེ་ཡང་འདུས་པའི་སྙིང་པོ་ཉོན།། རང་རིག་ཡེ་ཤེས་འོད་པོ་ཆེ།། འགྲོ་འོད་མེད་པར་འཁོར་བ་བརླག། མ་རིག་ལོག་པས་ཡེ་ཤེས་སྐྱེད།། འཁོར་བ་རུ་བཟློག་མྱ་ངན་འདས།། ཡེ་ཤེས་མ་བསྒོམས་ལྷུན་གྱིས
21a4 གྲུབ།། དོན་དང་མཐུན་པར་ཉམས་མྱོང་སྐྱེ།། བསྒོམས་ཀྱང་དེ་ཉིད་ཡེ་ཤེས་སྐྱེ།། དེ་ཕྱིར་རྟོག་པ་རབ་ཏུ་གཅེས།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། ཐ་མ་འཁོར་བ་རང
21a5 བརླག་ཏུ་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་རིག་སེམས་ཀྱི་རྒྱལ་པོ་ལ།། ཡིད་ཀྱི་དྲན་པ་འདི་སྐད་གསོལ།། ངེས་པའི་དོན་མཐུན་གདམས་ངག་གིས།། ངོ་བོ་ཉིད་ཀྱི་སྐུ
21a6 མཆོག་གང་།། སྣང་བ་ཆོས་དབྱིངས་ཇི་ལྟར་ལགས།། རང་སེམས་ཆོས་སྐུ་ཇི་ལྟར་སྤྱད།། འབྲལ་མེད་མཐུན་འཇུག་ཇི་ལྟར་སྤྱད།། གསང་བ་རྣམ་བཞིའི་གནང་བཀག་གང་།། བསྒོམ་མེད་ལ་ནི་ཇི་ལྟར་བཟླ།། མཉམ
iiif viewer powered by OpenSeadragon
