| e-texts navigator |
| Wylie |
20b1 ཀྱི་དུག་ལྔ་ལ།། མན་ངག་རྩི་ཡིས་ཐེབས་པས་རྟོགས།། དུག་ལ་སྔགས་བཏབ་དཔེ་བཞིན་དུ།། དུག་མ་བསལ་བར་སྨན་འགྱུར་བཞིན།། དགག་བསྒྲུབ་མེད་པའི་དོན་གྱིས་ན།། དུག་ལྔ་ཡེ་ཤེས་ངོ་བོར་ཤར།། ནོར་བུ
20b2 རིན་ཆེན་རྙེད་པའི་མིས།། འཇིག་རྟེན་སོ་ནམ་མི་དགོས་བཞིན།། མ་བསྒོམས་སེམས་ཀྱི་དོན་རྟོགས་ནས།། དེ་ལས་མི་འདའ་དམ་ཚིག་ཡིན།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད
20b3 ལས། འཁྲུལ་པ་བཟློག་པའི་དུས་ཐབས་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་འདུས་པའི་འཁོར་རྣམས་ལ།། རང་བྱུང་ཡེ་ཤེས་ཆེན་པོ་ཡིས།། ཡིན་མིན་དབྱེ་བ་ངས་བཤད་ཀྱི།། ཡིད་ཀྱིས་ཉོན
20b4 ལ་ལེགས་པར་ཟུང་།། ཡེ་ཤེས་མ་ཡིན་རང་བྱུང་དེ།། སེམས་ཅན་ཀུན་ལ་ཡོད་མོད་ཀྱང་།། མ་རྟོགས་ཕྱིར་ན་ཡེ་ཤེས་མིན།། ལོང་བ་མིག་མཁན་མ་རྙེད་འདྲ།། རང་བྱུང་མེད་པའི་ཡེ་ཤེས་དེ།། གནས་འགྱུར་ཡེ་ཤེས
20b5 ལྔར་འདོད་པ།། རྐྱེན་གྱིས་འགྱུར་ཕྱིར་རང་བྱུང་མིན།། ར་གན་གསེར་དུ་འཛིན་པ་འདྲ།། ཡེ་ཤེས་རང་བྱུང་མ་ཡིན་པ།། ཡིད་གཉིས་ཀུན་གཞི་གློ་བུར་རྐྱེན།། ཡིད་འཁྲུལ་ཕྱིར་ན་གཉིས་ཀ་མིན།། རི་བོང་ར་ཡི་ཁ
20b6 དོག་འདྲ།། རང་བྱུང་ཡེ་ཤེས་ཡིན་ལུགས་ནི།། ཤེས་རབ་ལྷག་མཐོང་ལས་བྱུང་བ།། ཡེ་ནས་གནས་པའི་རང་བྱུང་དེ།། ལུང་ལྡན་རྐྱེན་གྱིས་རྟོགས་པའི་ཕྱིར།། རང་བྱུང་ཡེ
iiif viewer powered by OpenSeadragon
