| e-texts navigator |
| Wylie |
20a1 ངག་གནང་བར་གྱུར།། དཔེར་ན་དྲང་སྲོང་རླུང་ནད་ཅན།། སྨན་པའི་ངག་ནི་ཉན་པ་བཞིན།། འཁོར་འདས་གཅིག་ཏུ་བསྟན་པ་ལ།། སྐྲག་ཅིང་ཡང་མེད་པར་ཞུ།། གཞན་གྱིས་མ་བསླད་བུད་མེད
20a2 ལ།། དུས་ཚོད་ཟིན་པའི་བུ་བཞིན་དུ།། ཐེ་ཚོམ་མེད་པར་དད་པ་ཡིས།། རང་སེམས་དོན་གཉིས་རྟོགས་པར་གྱིས།། དེ་ཡང་འདུས་པའི་སྙིང་པོ་ཉོན།། འཁོར་འདས་རྩ་བ་གཅིག་པའི་ཕྱིར།། སེང་གེ་ལྟ་བུའི་བརྩོན
20a3 འགྲུས་ཀྱིས།། སྔགས་དང་མཚན་ཉིད་མ་རིག་པའི།། འཁོར་འདས་རྩ་བའི་གདམས་ངག་ཞུ།། གླང་ཆེན་མི་ལྡོག་དགྲ་འཇོམས་བཞིན།། བླ་མའི་སྤྱོད་པ་མི་རྟོགས་པར།། ཆོས་ཉིད་གདམས་ངག་དོན་ལ
20a4 བརྟག། བརྩོན་འགྲུས་མི་ལྡོག་ཐེ་ཚོམ་གཅད།། ས་ཀུ་ཙེ་ཡི་རྐང་ལག་བཞིན།། བདག་ཉིད་སྤྱོད་ལམ་ཐམས་ཅད་དུ།། དོན་ལ་ཡེངས་པ་མེད་པར་ནི།། ཡིད་ལ་རྒྱུན་དུ་དྲན་པར་བྱ།། ད་ཡང་འཁོར་གྱི་སྙིང་པོ
20a5 ཉོན།། བརྩེ་གདུང་དམ་ཚིག་ཆེན་པོ་ནི།། མ་མེད་བུ་ནི་མི་འབྱུང་བཞིན།། རང་སེམས་མ་རྟོགས་སངས་རྒྱས་ནི།། དུས་གསུམ་བཙལ་ཡང་མི་རྙེད་པས།། ཐ་མལ་འདི་ལས་བཙལ་མི་བྱ།། གཟུགས་སྤངས་གྲིབ་མ་མི
20a6 རྙེད་བཞིན།། དུག་ལྔ་སྤངས་པའི་ཕ་རོལ་ན།། སངས་རྒྱས་བྱ་བའི་མིང་ཡང་མེད།། དེ་ཉིད་རྟོགས་ན་ཆོས་སྐུ་ཡིན།། དཔེར་ན་ཟངས་ལྕགས་ལ་སོགས་ལ།། གསེར་འགྱུར་རྩི་ཡིས་ཐེབས་པ་བཞིན།། རང་གི་སེམས
iiif viewer powered by OpenSeadragon
