| e-texts navigator |
| Wylie |
19b1 བོན་ཡིན།། བར་མ་བག་ཆགས་ཀུན་གཞི་དེ།། སྔ་མའི་རྗེས་སུ་འབྲང་བྱེད་ཅིང་།། རང་བྱུང་མི་ནུས་རྐྱེན་ལ་ལྟོས།། སྐྱེད་པའི་རྐྱེན་ནི་རྣམ་བཞིའོ།། ཐ་མ་ལུས་ཀྱི་ཀུན་གཞི་དེ།། ཆགས་སྡང་ལྔ་ལ་དངོས་སུ་སྤྱོད།། དེ
19b2 ཡི་སྡུག་བསྔལ་འབྲས་བུ་ནི།། སྐྱེ་རྒ་ན་འཆི་བསམ་མི་ཁྱབ།། སེམས་ཅན་ཀུན་ལ་གནས་པ་ཡིས།། ཀུན་གཞི་འཁོར་བའི་གཞི་ཡིན་པས།། ཆོས་ཀྱི་སྐུ་ཡི་གཞི་ཉིད་མིན།། དེ་ཕྱིར་ཀུན་གཞི་འདུས་བྱས་ལ།། རྐྱེན་གྱི
19b3 དབང་གིས་འཁོར་བ་སྟེ།། ཆུ་བོ་བཞི་ཡི་མཐའ་ལ་ཆུད།། མ་བསྒྲལ་བར་དུ་ཟར་མི་སྲིད།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། འཁོར་བ་ད་ལྟ་གང་ན་གནས་པ་བསྟན་པའི
19b4 ལེའུ་སྟེ་བཅུ་བདུན་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་གསོལ།། འཁྲུལ་པ་བཟློག་པའི་ཐབས་ཆེན་གྱིས།། སྣོད་བཅུད་དག་པའི་རྟོགས་ཐབས་གང་།། རང་བྱུང་ཡེ
19b5 ཤེས་ཅི་ལྟར་དབྱེ།། ཐ་མ་འཁོར་བ་ཇི་ལྟར་བརླག་ཀུན་རིག་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། འཁྲུལ་པ་བཟློག་པའི་ཐབས་ཆེན་དེ།། དད་པ
19b6 བརྩོན་འགྲུས་དམ་ཚིག་གསུམ།། རྟོགས་པའི་ཐབས་སུ་ཤེས་པར་བྱ།། དེ་ཡང་འཁོར་གྱི་སྙིང་པོ་ཉོན།། བྲམ་ཟེ་ཟླ་དཔལ་ཇི་བཞིན་དུ།། བླ་མ་དམ་པ་དོན་ལྡན་ལ།། ལུས་དང་སྲོག་ལ་མི་བལྟ་བར།། གུས་ལྡན་མན
iiif viewer powered by OpenSeadragon
