| e-texts navigator |
| Wylie |
18a1 རྒྱུད་ལས། ལྷ་སྤྱོད་ཉམས་པའི་སྐྱོན་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་འདུས་པའི་འཁོར་རྣམས་ལ། ཀུན་རིག་རྒྱལ་པོས་བཀའ་སྩལ་པ།། རྣམ་སྨིན་ལུས་དང་མ་བྲལ་བར།། སངས
18a2 རྒྱས་ཡོན་ཏན་འབྱུང་མི་སྲིད།། མཚན་དང་དཔེ་བྱད་སྟོབས་དང་ནི།། མི་འཇིགས་ཆོས་ནི་བཅོ་བརྒྱད་ཀྱང་།། ད་ལྟར་མི་འབྱུང་ལུས་ཀྱིས་བསྒྲིབས།། ཁྱུང་ཆེན་སྒོ་ངར་ཤོག་རྒྱས་ཀྱང་།། མ་བཅག་བར་དུ་འཕུར་མི
18a3 ཤེས།། དེ་བཞིན་སེམས་རྟོགས་རྣལ་འབྱོར་པས།། ལུས་འདིས་ཆེ་བའི་ཡོན་ཏན་བསྒྲིབས།། དེ་ཡང་འདུས་པའི་སྙིང་པོ་ཉོན།། རྒྱུད་ལུང་སློབ་དཔོན་སྤྲེའུ་འདྲ་བས།། ང་ཡི་དྲང་དོན་རྩེད་མོ་ལ།། ཚེ་ཡི་དངོས
18a4 གྲུབ་ཐོབ་འདོད་པས།། ཐུན་མོང་སྨན་གྱི་སྦྱོར་བ་ཡི།། བཅུད་ལེན་རི་ལུ་རྒྱུན་ལྡོག་དང་།། འོ་མས་ལུས་གསོས་བཀྲག་རྒྱས་ཚེ།། དུག་མཚོན་ལ་སོགས་ཚུགས་མི་འགྱུར།། བྱ་བཞིན་འཕུར་བ་བྱུང་ནས་ཀྱང་།། རྨི་ལམ
18a5 མངོན་ཤེས་ཕྲ་མོ་འོང་།། ལྷ་དང་བགེགས་ལ་དམ་པར་འཛིན།། རང་སེམས་མ་རྟོགས་འཁོར་བའི་ཕྱིར།། ལུས་འདི་ཕྱི་རོལ་ཡུལ་ཡིན་པས།། གནས་སྐབས་འབྲལ་མེད་ཡོད་མོད་ཀྱང་།། ཐབས་སྦྱོར་མི་གྲོལ་ཤིན
18a6 ཏུ་འཆིང་།། དེ་བས་བློ་གྲོས་དམ་པ་ཉོན།། སེམས་ཅན་ལུས་དང་མ་བྲལ་བར།། སངས་རྒྱས་ཡོན་ཏན་ཅི་ལ་འབྱུང་།། ལུས་བཅས་འབྲས་བུ་ཐོབ་འདོད་པ།། ཤིན་ཏུ་གཏི་མུག་སྨད་པའི་གནས།། དེ་ཡང་འཁོར་གྱི
iiif viewer powered by OpenSeadragon
