| e-texts navigator |
| Wylie |
180b1 ཟུང་།། འགྲན་སེམས་བཅུག་པས་མཆེད་དང་མཁོན།། གནས་ལུགས་མ་ཤེས་རང་མཐོང་ཆེ།། ང་རང་མཁས་ཞེས་བླ་མ་སྨོད།། སྔོན་ནས་ཡོད་ཟེར་རྫུན་དུ་སྨྲ།། གཞན་ནས་རྙེད་ཟེར་ཐབས་ཀྱིས་ཚོལ།། ཕྱི་ནས
180b2 དབུལ་ཞེས་སློབ་དཔོན་བྲིད།། ཆོས་རྗེས་བྱ་ཞེས་ཐབས་ཀྱིས་བསླུ།། གཡོ་སྒྲ་སྐྱོན་གྱིས་ཆོས་འཚོལ་ལ།། ནམ་ཡང་བསྟན་པར་མི་བྱའོ།། དེ་ཡང་འཁོར་གྱི་སྙིང་པོ་ཉོན།། གལ་ཏེ་འཁོར་གྱིས་ཆོས་བསྟན་ན།། ཕྱི་ནང
180b3 ཆོས་སྐྱོང་ཀུན་ཁྲོས་ནས།། མ་ཉེས་ཁ་ཡོགས་སྣ་ཚོགས་འོང་།། བྱས་པ་མེད་པར་མི་རྣམས་སྡང་།། སེར་སྣས་བསགས་པའི་རྫས་རྣམས་བརླག། རང་ཉིད་སྤྲོ་འབོག་སྒུར་པོར་འགྲོ།། རྒྱལ་འགོང་ཆགས་ནས་གནས་མི
180b4 རྙེད།། ཕྱི་མར་དམྱལ་བ་ཆེན་པོར་ལྟུང་།། དེ་ཕྱིར་ཤིན་ཏུ་གསང་བར་བྱ།། དེ་ཚེ་ངེས་དོན་ཡང་སྙིང་འདི།། གུ་ལང་གསེར་བཞིན་མི་ནུབ་ཙམ།། སྣོད་ལྡན་འགའ་ལ་བསྟན་པ་ལས།། སྣང་དགུ་ཀུན་གྱི་སྤྱོད་ཡུལ
180b5 མིན།། འཁོར་རྣམས་ངེས་པ་དེ་ལྟར་ཞོག། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། རྒྱུད་གཏད་པའི་ལེའུ་སྟེ་སོ་བདུན་པའོ།། །། རྒྱ་གར་གྱི་མཁན་པོ་བི་མ་ལ་མི་ཏྲ་དང་། བོད་ཀྱི་ལོ་ཙྪ་བ་ཨཱ་ཙརྱ་དྲན་པ་ཡེ
180b6 ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ་རྫོགས་སོ།། རྫོགས་པ་ཆེན་པོ་ངེས་དོན་འདུས་པའི་ཡང་སྙིང་ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་རིན་པོ་ཆེ་གསེར་གྱི་ཡང་ཞུན་ཞེས་བྱ་བ། ཤང་པ་ཆེ་ཆུང་བ་ཡེ་ཤེས
iiif viewer powered by OpenSeadragon
