| e-texts navigator |
| Wylie |
17b1 ན།། འབྲས་བུ་སྡུག་བསྔལ་རྒྱུ་རུ་འགྱུར།། ཟ་མི་ཤེས་པས་བརྣངས་པ་བཞིན།། ངག་གི་སྤྱོད་པ་མ་བསྲུང་ནས།། གཞན་གྱི་ཆོས་ལ་སྐུར་པ་འདེབས།། ཕྱི་མ་ཚ་བའི་དམྱལ་བར་སྐྱེ།། འཐུང་མ་ཤེས་ནས་འབོ་བ
17b2 བཞིན།། ཡིད་ཀྱི་སྤྱོད་པ་མ་བསྲུང་ན།། བདག་དུ་རྟོག་པས་གཟུང་འཛིན་སྐྱེས།། ཕྱི་མ་མུན་པའི་དམྱལ་བར་སྐྱེ།། ད་ཡང་འདུས་པའི་སྙིང་པོ་ཉོན།། རྒྱུས་མེད་ངོ་མི་ཤེས་པ་བཞིན།། ལས་ཀྱི་གོ་རིམ་མ་ཤེས
17b3 ན།། གསང་སྔགས་མཛད་སྤྱོད་ཉམས་པ་ཡིན།། མཐུ་དང་བྱིན་རླབས་མེད་པར་འགྱུར།། མིག་མེད་ལམ་མི་མཐོང་བ་བཞིན།། ཕྱག་རྒྱ་ཡེ་ཤེས་མ་གསལ་ན།། ཡེ་ཤེས་ལྷ་ཡི་དོན་རྟགས་མེད།། མཆོག་གི་དངོས
17b4 གྲུབ་ཐོབ་མི་འགྱུར།། གྲུ་མེད་ཆུ་ནི་མི་སྒྲོལ་བཞིན།། བདག་དང་གཞན་གྱི་དོན་གྱི་ཕྱིར།། ཏིང་འཛིན་གསལ་བར་མ་གྱུར་ན།། གནས་མ་འབྱོངས་ཤིང་བགེགས་སུ་སྐྱེ།། དེ་ཡང་འདུས་པའི་སྙིང་པོ་ཉོན།། དབང་དང
17b5 དམ་ཚིག་ལ་སོགས་པ།། ཉམས་པར་བྱེད་པའི་གང་ཟག་དེ།། སྐྱེས་བུའི་ལག་པར་བརྐྱང་བསྐུམ་ཙམ།། སྐད་ཅིག་གཅིག་ལ་དམྱལ་བར་ལྟུང་།། དེ་ཡི་སྡུག་བསྔལ་བརྗོད་མི་ལངས།། དེ་ལས་འཇིགས་ཤིང་ཐར་འདོད
17b6 ཀྱང་།། རང་སེམས་སྙིང་པོ་མ་རྟོགས་པར།། མ་ཧཱ་ཡོ་ག་མན་ཆད་ཀྱིས།། བསྐང་བཤགས་གཞུང་དུ་བྱས་གྱུར་ཀྱང་།། ལྟ་བ་ཉམས་པ་བསྐང་བ་མེད།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི
iiif viewer powered by OpenSeadragon
