| e-texts navigator |
| Wylie |
17a1 བུ་མི་ཐོབ་སྤྲོ་འབོག་འབྱུང་།། དོན་མ་རིག་པར་མནའ་ཟ་ཞིང་།། ཐུགས་ཀྱི་དམ་ཚིག་ཉམས་གྱུར་ན།། གསང་མི་ཐུབ་ཅིང་འཛག་པ་ཡིས།། ལྐུགས་པའི་དམྱལ་བ་ཆེན་པོར་སྐྱེ།། དེ་ཡང་འདུས་པའི་སྙིང
17a2 པོ་ཉོན།། ནར་མ་ཕྱིན་ན་ཤེད་མི་རྫོགས།། གོང་འོག་ལ་ཤན་མ་ཕྱེད་ཅིང་།། ལྟ་བའི་སྙིང་པོ་དོན་མེད་ན།། གོལ་ས་མི་ཆོད་རྒྱུད་མི་གྲོལ།། དབང་མེད་གྲོས་ཟག་མི་ཆོད་བཞིན།། དོན་གྱི་གདེང་མེད་རྐྱེན
17a3 མི་ཐུབ།། གདམས་ངག་མེད་པས་སེམས་མི་རྟོགས།། ལུས་ངག་ཆོས་སྤྱོད་སངས་མི་རྒྱ།། གཤོག་མ་རྒྱས་པར་འཕུར་མི་ནུས།། ཉམས་སུ་མ་བླངས་ཁ་ཚིག་གིས།། ཆགས་སྡང་ཟིལ་གྱིས་མི་ནོན་ཏེ།། སྐྱེ་བོ་རང་རྒྱུད
17a4 པ་རུ་གོལ།། དེ་ཡང་འདུས་པའི་སྙིང་པོ་ཉོན།། དཔེར་ན་སྤུན་ངན་རང་སྡུག་བཞིན།། གང་ཡང་གོམས་པར་མ་བྱས་པར།། ཞི་གནས་ལས་སུ་མི་རུང་ཕྱིར།། སྣང་བའི་ཞེན་པ་ཅི་ལ་ཟློག། མུན་སྲོས་ལམ་ནི་སྟོར་བ
17a5 བཞིན།། ལྷག་མཐོང་གསལ་བར་མ་རྟོགས་པར།། གཟུགས་སྐུ་རྣམ་གཉིས་མི་འབྱུང་བས།། སེམས་ཅན་འགྲོ་དོན་བྱེད་མི་ནུས།། འབྲས་བུ་ལོ་ཉེས་ལྟོ་བཀྲེས་བཞིན།། ལྟ་བསྒོམ་གཅིག་ཏུ་མ་ཤེས་ན།། རེས
17a6 འཇོག་ཐུན་མཚམས་བསྒོམ་པ་དེ།། འབྲལ་མེད་རྒྱུན་གྱི་རྣལ་འབྱོར་མིན།། རྡོ་རྗེ་སེམས་དཔའ་དེ་ཡང་ཉོན།། གོས་གོན་མི་ཤེས་དྲལ་བ་བཞིན།། ལུས་ཀྱི་སྤྱོད་པ་མ་བསྲུངས་ནས།། ཐོ་ཚོ་སྤྱོད་པའི་ལས་བྱས
iiif viewer powered by OpenSeadragon
