| e-texts navigator |
| Wylie |
179b1 བསམས་པ་ཡི་དྲན་པ་ལ།། མི་བརྗེད་པ་ཡི་གཟུངས་དང་ལྡན།། བསྒྲུབས་པ་མེད་པའི་འབྲས་བུ་འབྱུང་།། རྐྱེན་དབང་མི་འགྱུར་ཡུལ་གཅིག་རྙེད།། སངས་རྒྱས་ཀུན་དང་དགོངས་པ་གཅིག། བཙལ་མེད་འགྲོ་དོན་ད
179b2 ལྟ་བྱེད།། དེ་ཡང་རྡོ་རྗེ་སེམས་དཔའ་ཉོན།། རྣམ་སྨིན་ལས་མེད་ཡེ་ཤེས་སྐུ།། རིག་པ་གསལ་ལ་ཁ་མིག་ཅན།། སྔར་མ་མཐོང་བའི་ཆོས་དབྱིངས་ལ།། ཞིང་ཁམས་སངས་རྒྱས་ཡེ་ཤེས་ཀློང་།། ཆོས་སྐུ་རིག་པ་འཆར
179b3 ནུབ་མེད།། རང་སེམས་རྟོགས་པས་ཆོས་སྐུར་ཤར།། ཏིང་འཛིན་ཟས་ནི་ཉམས་སུ་བསྟེན།། རོ་མཆོག་ཉམས་མྱོང་ཆོས་སྐུར་ཤེས།། དེ་ལ་བསྒོམ་བསྒྲུབ་བྱ་མི་དགོས།། འཁོར་འདས་གཉིས་སུ་མ་བསམས་པའི།།
179b4 ལྷག་མཐོང་དྲན་པའི་ཡེ་ཤེས་ལ།། མི་བརྗེད་གཟུངས་ལྡན་རིག་པའི་སྐུ།། གང་དྲན་རང་རིག་ཀུན་ཁྱབ་ཕྱིར།། དུས་གསུམ་སྐྱེ་འགག་མེད་པ་ཡི།། འབྲས་བུ་བར་དོར་ཡེ་ཤེས་ལྡན།། མ་རིག་བག་ཆགས་ཤེས་པའི
179b5 ཕྱིར།། རྐྱེན་བཞིས་བསྐྱེད་པའི་དབང་མི་འགྱུར།། སྤྱིར་ཆིབ་ས་ལ་ངེས་པར་འགྲོ།། ལྷུན་གྲུབ་མངོན་འགྱུར་དུས་དེར་འགྲུབ།། སངས་རྒྱས་ཀུན་དང་མཉམ་པའི་ཕྱིར།། དགོངས་པ་ཀུན་བཟང་ང་དང་མཉམ།། དེ་ཡང
179b6 རྡོ་རྗེ་སེམས་དཔའ་ཉོན།། ཆོས་སྐུའི་གཟུགས་བརྙན་གཟུགས་སྐུ་འབྱུང་།། གཟའ་སྐར་གཟུགས་རྙན་མེ་ལོང་བཞིན།། མ་བཙལ་ལྷུན་གྱིས་ཆོས་སྐུར་གྲུབ།། དེ་ཉིད་དོན་ལྡན་ད་ལྟ་བྱས།། ཡེ་ཤེས་ལུས་ལ་རིག་པའི
iiif viewer powered by OpenSeadragon
