| e-texts navigator |
| Wylie |
179a1 པ།། དམ་ཚིག་ལྟུང་མེད་ངས་བཤད་ཉོན།། རྟོགས་ཐབས་ལྔ་ཡིས་མ་ཉམས་ན།། རང་སེམས་མི་རྟོག་ལུང་མི་ལྡན།། འཁོར་བར་འཁྱམས་ཀྱང་འཇིགས་པ་མེད།། ད་བུ་ལ་ནི་ལས་ནོར་འདྲ།། ཆེད་དུ་མ
179a2 བྱས་དྲུག་ཉམས་ན།། བྱས་པ་ཐམས་ཅད་མི་འགྲུབ་ཅིང་།། འདིར་སྡུག་ཕྱི་མར་དམྱལ་བར་ལྟུང་།། རྒྱལ་པོས་ཆབ་བསལ་མི་ངན་འདྲ།། བསྲུང་བའི་དམ་ཚིག་ལྔ་ཉམས་ན།། མ་རུངས་ལས་རྣམས་སྤྱད་པའི་ཕྱིར།། མ
179a3 རིག་མུན་པ་མ་སོལ་པས།། རང་གི་མིག་ནི་རང་བཏོན་འདྲ།། སྲང་བའི་དམ་ཚིག་བཞི་ཉམས་ན།། འོག་མའི་སེམས་བསྐྱེད་སྡོམ་ཞིག་པས།། ཁ་ན་མ་ཐོ་རྣམ་གསུམ་ལྟུང་།། བཙོན་རར་ཆུད་པའི་མི་ངན་འདྲ།། དེ་ཡང
179a4 འདུས་པའི་སྙིང་པོ་ཉོན།། དེ་དག་དམིགས་ཀྱིས་དབྱེ་བ་ནི།། ལྟུང་བའི་སྒོ་དགུར་ལྟུང་ངེས་ཀྱིས།། དེ་ཡི་སྡུག་བསྔལ་སྨོས་ཟག་ཆད།། ལས་ཀྱིས་ཚེ་ཚད་བརྗོད་མི་ལངས།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས།།
179a5 མ་རྟོགས་པའི་དམ་ཚིག་ཉམས་པའི་ལྟུང་བའི་སྒོ་བསྟན་པའི་ལེའུ་སྟེ་སོ་ལྔ་པའོ།། །། དེ་ནས་ཀུན་རིག་རྒྱལ་པོ་ཡིས།། མཐར་ཐུག་ཡེ་ཤེས་འབྲས་བུ་སོགས།། འདུས་པའི་འཁོར་གྱི་དོན་ཆེད་དུ།། མངོན་གྱུར
179a6 སངས་རྒྱས་བཀའ་སྩལ་པ།། ལུས་མེད་ཡེ་ཤེས་སྒོ་ལྔ་ཡིས།། སྔར་མ་མཐོང་བའི་ཞིང་ཁམས་སུ།། ཡེ་ཤེས་མིག་གི་དུས་གཅིག་མཐོང་།། འཆར་ནུབ་མེད་པའི་ཉི་ཟླ་ཤར།། ཟོས་པ་མེད་པའི་རོ་མཆོག་མྱོང་།། མ
iiif viewer powered by OpenSeadragon
