| e-texts navigator |
| Wylie |
178b1 གང་དྲན་ཆོས་སྐུར་ཤེས།། སྨིག་རྒྱུ་ནམ་མཁར་ཤེས་པ་འདྲ།། བརྟུལ་ཞུགས་མཆོག་གི་སྤྱོད་པ་ནི།། མཚམས་མེད་ལྔ་དང་མི་དགེ་བཅུ།། ཆགས་སྡང་ལྔ་ལ་ལོངས་སྤྱད་ཀྱང་།། ལྟ་བ་རྟོགས་པའི་གྲངས་སུ་འགྱུར།།
178b2 ལུང་རིགས་མི་འགལ་རྒྱུད་གནས་དང་།། འབོལ་ཞིང་ཞི་ལ་འཇམ་འདོད་པས།། ངེས་པའི་གདམས་ངག་མ་གོ་ན།། མཁས་ཀྱང་རྨོངས་པ་སྙིང་རེ་རྗེ།། དེ་ཡང་འདུས་པའི་སྙིང་པོ་ཉོན།། བགེགས་མེད་ཡེ་ཤེས་རང
178b3 ཤར་བ།། རང་གི་རྣམ་རྟོག་ཡོད་ཀྱི་བར།། བགེགས་ཀྱི་མཐའ་ལ་ཟད་པ་མེད།། དངོས་སུ་མེད་ཕྱིར་འཁྲུལ་པའི་བློ།། མུ་སྟེགས་ཅན་ལ་འདྲེ་ཡོད་ཕྱིར།། འདྲེར་འཛིན་སྐྱེ་བོ་མ་རིག་པ།། མོ་མའི་རྫུན་གྱིས་གླེན་པ
178b4 བསླུས།། དམ་པ་ཀུན་གྱིས་འདྲེ་སུན་བཏོན།། ཡུལ་དང་གོལ་ས་ཆོད་གྱུར་ན།། འདྲེ་མེད་རིག་པ་ཆོས་སྐུར་ཤེས།། གཞི་ལ་ལྷ་འདྲེ་མེད་རྟོགས་པས།། ཕན་གནོད་བྱ་བ་མིང་ཡང་མེད།། དེ་ཡང་འདུས་པའི་སྙིང་པོ
178b5 ཉོན།། དེ་དག་ཡེ་ཤེས་རང་ཤར་བ།། ཀུན་བརྟགས་ཟད་ན་འདྲེ་རྣམས་སྟོངས།། འདྲེ་ནི་ཉིད་འཁྲུལ་ཡིན་པའི་ཕྱིར།། རི་བོང་རྭ་ལ་ཡོད་རྟོག་འདྲ།། རྫོགས་པ་ཆེན་པོ་ངེས་དོན་ཐམས་ཅད་འདུས་པའི་ཡང་སྙིང་ཀུན་ཏུ
178b6 བཟང་པོ་ཡེ་ཤེས་ཀློང་གི་རྒྱུད། རིན་པོ་ཆེ་གསེར་གྱི་ཡང་ཞུན་ལས། ཡེ་ཤེས་རང་ཤར་གྱི་སྤྱོད་པ་བསྟན་པའི་ལེའུ་སྟེ་སོ་བཞི་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་ཡང་གསུངས
iiif viewer powered by OpenSeadragon
