| e-texts navigator |
| Wylie |
178a1 བཞིན་དུ་གཙང་དམེ་མེད།། དོན་ཟིན་རྟོག་པ་བཅོས་གྱུར་ན།། ཡོན་ཏན་དྲུག་ལྡན་སྤྱོད་པའི་མཆོག། གོས་ཀྱི་རྟོག་པ་བཅོམ་པའི་ཕྱིར།། སྨྱོན་པ་བཞིན་དུ་ངན་དགུ་གོན།། གཉེན་སྡང་ཡོན་ཏན་ལྔ་ལྡན
178a2 ཕྱིར།། ཆགས་མེད་ཡོན་ཏན་མཆོག་ཏུ་ལྡན།། གཉེན་གྱི་རྟོག་པ་གཞོམ་པའི་ཕྱིར།། ངོ་ཚ་མེད་པར་ཆགས་སྤྱོད་དང་།། གཉེན་ལ་སྡང་བ་བྱས་གྱུར་ན།། འཁོར་ངན་བདུད་བཅོམ་བདེ་བ་འཕེལ།། དགྲ་ཡི་རྟོག་པ
178a3 གཞོམ་པའི་ཕྱིར།། གྲི་བོ་གཤེད་ལ་འཁོར་བ་བཞིན།། ཆགས་སྡང་གཞི་ལ་མེད་པར་ཤེས།། དགྲ་ཉིད་ཆོས་སྐུར་ཤེས་པར་བྱ།། དེ་ཡང་འདུས་པའི་སྙིང་པོ་ཉོན།། དེ་དག་སྤྱོད་པ་གང་སྤྱོད་དང་།། རིགས་སྤྱོད་རྒྱུན་དུ
178a4 བྱ་བ་ནི།། བྲམ་ཟེའི་དམ་ཚིག་འགལ་བའི་ཕྱིར།། ལུང་ལྡན་ཀུན་གྱིས་བྱར་མི་རུང་།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། རྟོག་པ་གཞོམ་པའི་སྤྱོད་པ་བསྟན་པའི་ལེའུ་སྟེ་སོ་གསུམ་པའོ།། །། ཀུན་རིག
178a5 སྟོན་པས་ཡང་གསུངས་པ།། གཞི་ཤེས་བློ་དངོས་གཅིག་པ་དང་།། བརྟུལ་ཞུགས་མཆོག་དང་བགེགས་མེད་པའི།། ཡེ་ཤེས་རང་ཤར་ངས་ཤད་ཀྱིས།། འདུས་པའི་འཁོར་རྣམས་ཡིད་ཀྱི་ཉོན།། ལུང་ལྡན་གདམས་ངག
178a6 གཞི་ཤེས་པས།། ངོ་བོ་ཉིད་ལ་བློ་ལྡན་ཕྱིར།། གང་ཡང་ཆོས་སྐུར་རང་གསལ་བས།། འདུས་མ་བྱས་པའི་ནམ་མཁའ་འདྲ།། བློ་དངོས་གཅིག་པར་ཤེས་པ་ཡིས།། གང་མཐོང་ཉིད་འཁྲུལ་མེད་ཤེས་ཕྱིར།། སྣང་མཐོང
iiif viewer powered by OpenSeadragon
