| e-texts navigator |
| Wylie |
177b1 པའི་གདེང་གིས་ཟིན།། ཆོས་ཀྱི་དེ་ཁོ་དམིགས་པ་ནི།། ནོར་རྙེད་གསང་ནི་ཐུབ་པ་བཞིན།། གདེང་ལྡན་ཉམས་ཀྱི་གསང་ཐུབ་པས།། ངེས་དོན་མཆོག་གི་དངོས་གྲུབ་ཐོབ།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས།།
177b2 དེ་ཁོ་ན་ཉིད་ལ་དམིགས་པའི་སྤྱོད་པ་བསྟན་པའི་ལེའུ་སྟེ་སོ་གཅིག་པའོ།། །། དེ་ཡང་འདུས་པའི་སྙིང་པོ་ཉོན།། ཕྱི་ཡི་སྒྲོ་འདོགས་གཅོད་པ་ནི།། དྲེད་མོ་གདོས་ཀྱིས་བཏགས་པ་བཞིན།། ཡུལ་དང་འབྲལ
177b3 མེད་ཆོས་སྐུར་ཤེས།། སྣང་བས་མི་གནོད་ཕན་མི་ནུས།། ནང་གི་སྒྲོ་འདོགས་གཅོད་པ་ནི།། མི་ཤེས་སླར་ལ་མི་ལྡོག་བཞིན།། མཐའ་བྲལ་ངེས་པའི་གདེང་གིས་ཟིན།། རང་རིག་བདེ་མཐོང་ཕྱིར་མི་ལྡོག། གཉིས་ཀའི
177b4 སྒྲོ་འདོགས་ཆོད་སྤྱོད་པ།། གཉིད་སད་འཇིགས་པ་བྲལ་བ་བཞིན།། མ་རིག་སངས་ཕྱིར་ཡུལ་དང་བྲལ།། དེ་ཕྱིར་ཡིད་ཆེས་གདེང་གིས་ཟིན།། ལུང་གི་སྒྲོ་འདོགས་ཆོས་སྤྱོད་ནི།། ནོར་སྟོར་སླར་ལ་རྙེད་པ་བཞིན།།
177b5 དྲང་དོན་མདོ་རྒྱུད་སུན་བཏོན་ནས།། ངེས་དོན་རྙེད་པས་ཆོས་སྐུར་རྟོགས། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། སྒྲོ་འདོགས་ཆོད་པའི་སྤྱོད་པ་བསྟན་པའི་ལེའུ་སྟེ་སོ་གཉིས་པའོ།། །། རྡོ་རྗེ་སེམས་དཔས
177b6 ཡང་ཞུས་པ།། ཟས་ནོར་དགྲ་གཉེན་རྟོག་གཞོམ་ཕྱེད།། ཡེ་ཤེས་སྤྱོད་པ་བསྟན་དུ་གསོལ།། ཀུན་རིག་སྟོན་པས་ཐུགས་གསོལ་ཏེ།། འདུས་པའི་འཁོར་ལ་བཀའ་སྩལ་པ།། ཟས་ཀྱི་རྟོག་པ་གཞོམ་པའི་ཕྱིར།། ཁྱི་ཕག
iiif viewer powered by OpenSeadragon
