| e-texts navigator |
| Wylie |
177a1 པ།། ཆོས་སྐུར་ཤེས་པས་ཡུལ་དང་བྲལ།། དེ་ཙམ་ཡུལ་དང་རིག་པ་གཉིས།། གནས་སྐབས་མཐར་ཐུག་འབྲེལ་པ་མེད།། དེ་ཡང་འདུས་པའི་སྙིང་པོ་ཉོན།། རྟོགས་པ་མངོན་གྱུར་གདེང་གི་ཉམས།།
177a2 གཡོ་དང་གོམས་པ་བརྟན་པ་ནི།། ཅིག་ཅར་རིམ་གྱིས་འབྱུང་བ་ནི།། ཤེས་རབ་བློ་ཡི་ཁྱད་པར་ལས།། ལུས་ངག་ཡིད་ཀྱི་ཉམས་རྟགས་ཀུན།། རྣལ་འབྱོར་པ་ལ་ངེས་པར་འབྱུང་།། དེ་ཉིད་རྣལ་འབྱོར་ཉམས་ཀྱི
177a3 མཆོག། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། རྣལ་འབྱོར་ཉམས་སུ་མྱོང་བའི་བཀའ་རྟགས་བསྟན་པའི་ལེའུ་སྟེ་སུམ་ཅུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་ཡང་གསུངས
177a4 པ།། ལ་ཟླ་སྤྱོད་པའི་བཀའ་རྟགས་ནི།། འཁོར་ལ་བཤད་ཀྱི་ཡིད་ཀྱིས་ཉོན།། ཁོ་ན་ཉིད་དང་སྒྲོ་འདོགས་གཅོད།། རྟོགས་པས་གཞིག་དང་ཡེ་ཤེས་སྤྱོད།། གདེང་ལྡན་རྣམས་ཀྱིས་སྤྱད་པར་བྱ།། དེ་ཡང་འདུས་པའི
177a5 སྙིང་པོ་ཉོན།། ལུས་ཀྱི་དེ་ཁོ་ན་སྤྱོད་པ།། རྒྱལ་པོ་གཏན་མ་ཟིན་པ་བཞིན།། ལུས་ནང་ཆོས་སྐུ་རྒྱུན་དུ་གནས།། དེ་ཕྱིར་མི་འབྲལ་གཟུངས་དང་ལྡན།། ངག་གི་དེ་ཁོ་སྤྱོད་ཆེན་ནི།། དཔེ་ནི་དག་པའི་བརྟུལ་ཞུགས
177a6 བཞིན།། ངེས་པའི་དོན་གྱིས་སྐྱོན་བྲལ་བས།། ངག་ཏུ་མ་བརྗོད་ཆོས་སྐུར་གསལ།། སེམས་ཀྱི་དེ་ཁོ་སྤྱོད་པ་ནི།། ནགས་ཀྱི་རི་དྭགས་བག་ཕེབས་བཞིན།། ཤེས་རབ་རྣམ་གསུམ་ཟག་ཆོད་པས།། ལྷག་མཐོང་རིག
iiif viewer powered by OpenSeadragon
