| e-texts navigator |
| Wylie |
176b1 འདུས་པའི་འཁོར་ལ་བཀའ་སྩལ་པ།། ཉམས་མྱོང་རིམ་པ་རྣམ་བཞི་སྟེ།། སྣང་བ་ཆོས་དབྱིངས་ཉམས་མྱོང་དང་།། རང་རྒྱུད་ཟིལ་གནོན་ཉམས་མྱོང་དང་།། ངེས་ལུང་སྤྱོད་པའི་ཉམས་མྱོང་དང་།། ལྟ་བ་གདེང་ཟིན
176b2 ཉམས་མྱོང་ངོ་།། དེ་ཡང་རྡོ་རྗེ་སེམས་དཔའ་ཉོན།། སྣང་བ་ཆོས་དབྱིངས་ཉམས་མྱོང་ནི།། བྱ་བ་བཏང་བའི་མི་འདྲ་སྟེ།། མཐོང་སྣང་གཟུགས་སྒྲ་ལ་སོགས་པ།། གང་མཐོང་ཅི་དྲན་ཅིར་སྣང་ཡང་།། བརྟག་དཔྱད་མ
176b3 བྱས་གྱི་ན་ཙམ།། ཡུལ་ནི་བུན་ནེ་ལོང་འདུག་ཀྱང་།། སྤོང་སྡུད་ཞེན་པར་མ་སོང་ན།། ཆོས་དབྱིངས་གདེང་ལྡན་ཉམས་ཀྱི་མཆོག། དེ་ཡང་འདུས་པའི་སྙིང་པོ་ཉོན།། རང་རྒྱུད་ཉོན་མོངས་ཟིལ་ནོན་རྟགས།། བསྒོམ
176b4 ཐབས་སྐྲོད་དང་བཅོས་པའི་ཐབས།། ཐུན་ཚད་ཉམས་དང་རྣམ་པ་སྟེ།། བསྒོམ་ཐབས་ལྟ་བའི་རྒྱུན་ལ་བསྒོམ།། སྐྱོན་ནི་བྱིང་དང་རྒོད་པ་སྟེ།། བཅོས་ཐབས་རབ་འབྲིང་ཐ་མ་ཡིས།། ཐུན་ཚད་ཉམས་ཀྱི་ཚོད་དང་སྦྱར།།
176b5 དེ་དོན་ངེས་པར་ལ་བཟླ་ན།། གསེར་འགྱུར་རྩི་ཡིས་ཐེབས་པ་བཞིན།། རྟོགས་དང་མི་རྟོགས་ཐམས་ཅད་དུ།། རང་སེམས་ལྟ་བའི་ཆོས་ཉིད་གསལ།། རང་རྒྱུད་ཟིལ་གྱིས་ནོན་པའི་ཉམས།། དེ་ཡང་འདུས་པའི་སྙིང
176b6 པོ་ཉོན།། དེ་དོན་མཐར་ཐུག་རིམ་པའི་དོན།། གོས་ཀྱི་འཇམ་རྩུབ་སྣ་ཚོགས་དང་།། ཟས་ཀྱི་རོ་མཆོག་གང་མྱོང་བ།། གང་དྲན་མཐོང་བྲལ་ཆོས་སྐུར་ཤེས།། དེ་ཙམ་ཉིད་ན་ཡེ་ཤེས་ཤར།། ཡུལ་ཉིད་མ་ཡིན་གང་དྲན
iiif viewer powered by OpenSeadragon
