| e-texts navigator |
| Wylie |
176a1 དོན་དུ་མ་ཤེས་བྱང་མི་ཆུབ།། རང་རིག་དོན་ལྡན་དབང་མི་དགོས།། འདོད་སྤྱད་རྐྱེན་ཐུབ་ཆོས་སྐུར་ཤེས།། བོགས་མེད་ཡེ་ཤེས་སངས་རྒྱས་ཡིན།། དེ་ཡང་འདུས་པའི་སྙིང་པོ་ཉོན།། ཡོན་ཏན་ཕྲག
176a2 དོག་ཞེ་སྡང་བྱེད།། དེ་ལ་ལན་འདེབས་རྨོངས་པ་ནི།། མཁས་ལ་སྐུར་འདེབས་དམྱལ་བར་ལྷུང་།། གཞི་རྟོགས་དོན་ལ་སྐུར་དང་བྲལ།། ཞེ་སྡང་རང་གྲོལ་ཆོས་ཉིད་རྟོགས།། དེ་ཉིད་དུས་ན་བདུད་མེད་ཤེས།། ང་རྒྱལ
176a3 སྒོ་འདོགས་བདུད་བྱུང་ཚེ།། གང་ཟག་སྨད་ཕྱིར་ཆོས་ལ་སྨོད།། ཆེས་ཆུང་བྱེད་ཅིང་བཀའ་རྐུན་བྱེད།། བསོད་ནམས་ཆེས་ཆུང་དམྱལ་བར་ལྟུང་།། མན་ངག་གསང་ཐུབ་ཟིལ་གྱིས་མནན།། ཡིད་ཆེས་རང་རིག་དོན
176a4 གྱིས་ཟིན།། ད་ལྟ་ཉིད་དུ་བདེན་པ་མཐོང་།། དེ་ཡང་འདུས་པའི་སྙིང་པོ་ཉོན།། དེ་དག་བདུད་ཀྱི་དབྱེ་བ་ཡང་།། ལྷ་མེད་རྣམས་ལ་འབྱུང་བ་ལས།། ལུང་ལྡན་ཀུན་གྱི་ཡོན་ཏན་ཏེ།། སངས་རྒྱས་ཆོས་ནི་བཅོ་བརྒྱད
176a5 ཡིན།། རྫོགས་པ་ཆེན་པོ་ངེས་དོན་འདུས་པའི་ཡང་སྙིང་། ཀུན་ཏུ་བཟང་པོ་ཡེ་ཤེས་ཀླུང་གི་རྒྱུད་རིན་པོ་ཆེ་གསེར་གྱི་ཡང་ཞུན་ལས། ཉམས་ཀྱི་བདུད་ཀྱི་རྟགས་དང་འབྲས་བུ་བསྟན་པའི་ལེའུ་སྟེ་ཉེར་དགུ
176a6 པའོ།། །། རྡོ་རྗེ་སེམས་དཔས་ཡང་ཞུས་པ།། ཀུན་རིག་སྟོན་པས་བདག་ལ་གསོན།། རྣལ་འབྱོར་ཉམས་སུ་མྱོང་བའི་བཀའ།། དོན་དང་མཐུན་པར་བཤད་དུ་གསོལ།། དེ་སྐད་ཞུས་པའི་དོན་དགོངས་ནས།།
iiif viewer powered by OpenSeadragon
