| e-texts navigator |
| Wylie |
174a1 ཡང་འདུས་པའི་སྙིང་པོ་ཉོན།། གྲག་པ་སྒྲ་ཡི་བདུད་བྱུང་ན།། མཁའ་ལ་སྒྲ་དང་ཆོས་སྟོན་འབྱུང་།། དགའ་བས་ངོམས་ཞིང་ཏིང་འཛིན་བཏང་།། གདེང་བྲལ་བསྡུ་ཞིང་བདུད་དབང་སོང་།། བཀའ་འགལ
174a2 ཆོས་བརྒྱད་འཁོར་བར་ལྟུང་།། ལྟ་བའི་གདང་ཟིན་སྒྲ་དང་བྲལ།། སྒྲ་སྙན་རྟགས་མེད་རྗེས་མི་འབྲང་།། ཚེར་ལྷང་གསུང་གི་འཁོར་ལོ་བདེ།། འཇིགས་པ་གཟུགས་ཀྱི་བདུད་བྱུང་ན།། རྨི་ལམ་དངོས་སུ་འཇིགས་པའི
174a3 གཟུགས།། མི་དགའ་དོན་བྲལ་མོ་ཆོག་བྱེད།། སེམས་ངན་ཚེ་ཐུང་ཡི་ཆད་ལྟུང་།། སྣང་གཟུགས་གཞི་ལ་མེད་པར་ཤེས།། སྙིང་པོ་མེད་ཤེས་ཉམ་མི་ང་།། དེ་ཉིད་ཐུབ་དྲུག་སྦྲུལ་སྐུར་ཤེས།། དེ་ཡང་འདུས་པའི་སྙིང་པོ
174a4 ཉོན།། བསླུ་བ་རྫུན་གྱི་བདུད་བྱུང་ན།། དུས་གསུམ་ཉེས་ལེགས་སྟོན་པ་འབྱུང་།། བདེན་དང་མི་བདེན་ཐ་མ་རྫུན།། མངོན་ཤེས་རྡུགས་པས་ཞེ་སྡང་སྐྱེ།། ཚིག་ལས་འདས་ཕྱིར་རྫུན་མ་གྲུབ།། རྨི་ལམ་བཞིན་དུ་འཁྲུལ
174a5 པར་ཤེས།། དོན་རྟོགས་ཅི་སྨྲས་རྒྱལ་བའི་བཀའ།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། ལྟ་བའི་བདུད་ཟིལ་གྱིས་གནོན་པའི་རྟགས་དང་འབྲལ་བུ་བསྟན་པའི་ལེའུ་སྟེ་ཉེར་དྲུག་པའོ།། །། ཀུན་རིག་སྟོན
174a6 པས་ཡང་གསུངས་པ།། བསྒོམ་པའི་བདུད་ནི་རྣམ་བཞི་ཡི།། བྱིང་བ་གསལ་བའི་བདུད་བྱུང་ན།། དོན་མེད་ནན་ཏན་འབད་ནས་བསྒོམ།། མྱོས་པའི་དབང་གིས་གསལ་བ་བྱིང་།། གཉེན་པོ་གསལ་བའི་དོན་དང་བྲལ།།
iiif viewer powered by OpenSeadragon
