| e-texts navigator |
| Wylie |
173b1 དང་ཡིག་འབྲུ་དབང་གི་དུས།། རྩ་དང་ཐིག་ལེ་བདེ་བསྒོམ་པས།། ཤེས་པ་འགྱུར་ནས་བདེ་ལ་ཞེ་ན།། དེ་ཕྱིར་མི་གྲོལ་ཤིན་ཏུ་འཆིང་།། མི་རྟོག་ཐབས་ཀྱི་བདེ་འདོད་གོལ།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད
173b2 ལས། འོག་མའི་བསྒོམ་པ་གོལ་བར་བསྟན་པའི་ལེའུ་སྟེ་ཉེར་ལྔ་པའོ།། །། ཀུན་རིག་སྟོན་པས་ཡང་གསུངས་པ།། ལྷ་མེད་གཞི་གནས་ཞེན་པ་ལ།། བདུད་བྱུང་བར་ཆད་ཞེན་ལས་བྱུང་།། ཟིལ་གནོན་གདམས
173b3 ངག་ངས་བཤད་ཉོན།། རྣལ་འབྱོར་ལྟ་མེད་ཉམས་ཞེན་པ།། བདུད་ཀྱི་ཆོ་འཕྲུལ་མངོན་ཤེས་འབྱུང་།། དེ་ཚེ་ལྟ་སྒོམ་སྤྱོད་ཉམས་བདུད།། བར་དུ་བཅད་ནས་འཁོར་བར་འཁྱམས།། དེ་བཟློག་དོན་དུ་གདམས་ངག
173b4 གིས།། བཅོ་བརྒྱད་ཡོན་ཏན་ཆེན་པོ་ནི།། ཟིལ་གནོན་རྟོགས་དང་འབྲས་བུ་ཡིས།། དོན་ལྡན་ངེས་པའི་སངས་རྒྱས་འབྱུང་།། དེ་ཡང་འདུས་པའི་སྙིང་པོ་ཉོན།། ལྟ་བའི་བདུད་ནི་རྣམ་བཞི་སྟེ།། སྣང་བ་འོད་དང་གྲག
173b5 པ་སྒྲ།། འཇིགས་པ་གཟུགས་དང་བསླུ་བ་རྫུན།། རེ་རེ་ལ་ནི་དྲུག་དྲུག་ཏུ།། རྒྱུ་དང་ཞུགས་པ་ཉེས་དམིགས་དང་།། ཟིལ་གནོན་རྟགས་དང་འབྲས་བུར་གསུངས།། སྣང་བ་འོད་ཀྱི་བདུད་བྱུང་ན།། ལྟ་བ་མུན་ལས་སྣང
173b6 འབྱུང་བས།། དགེ་སྡིག་མཐོང་བས་སྙིང་རྗེ་ཞུགས།། འགྲོ་དོན་བྱ་མནོ་ཏིང་འཛིན་བཏང་།། དངོས་མེད་ལྷག་མཐོང་མི་གཡོ་དྲན།། གཞི་ལ་མེད་པས་གཞའ་ཚོན་འདྲ།། དམྱལ་བའི་གནས་ཀྱང་སངས་རྒྱས་ཞིང་།། དེ
iiif viewer powered by OpenSeadragon
