| e-texts navigator |
| Wylie |
173a1 མིན།། དེ་ཡང་འདུས་པའི་སྙིང་པོ་ཉོན།། མངོན་གྱུར་ཡེ་ཤེས་པར་དོ་ལ།། རྒྱུ་ནི་ལུང་ལྡན་གདམས་ངག་སྟེ།། བྱིན་རླབས་རྗེས་དྲན་རྣམ་དྲུག་གིས།། མ་རིག་སངས་ལ་རིག་པ་རྒྱས།། ཐམས་ཅད
173a2 མཁྱེན་པའི་འབྲས་བུར་ལྡན།། འགྲོ་དོན་གཟུགས་སྐུ་ཤུགས་ལ་འཆར།། བཙལ་བ་མེད་པར་དོན་རྣམས་གྲུབ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་ཀློང་གི་རྒྱུད། རིན་པོ་ཆེ་གསེར་གྱི་ཡང་ཞུན་ལས།།
173a3 སྲིད་པ་བར་དོ་ལ་སྐྱེ་བ་ཕྱིས་མི་ལེན་པར་བསྟན་པའི་ལེའུ་སྟེ་ཉེར་བཞི་པའོ།། །། དེ་ཡང་རྡོ་རྗེ་སེམས་དཔའ་ཉོན།། དེ་ལྟར་མ་རྟོགས་བྱིན་བརླབས་པས།། དབུ་མ་མན་ཆད་ལྟ་སྒོམ་སྟེ།། འཁོར་འདས་ཆོས་ཀུན
173a4 སེམས་སུ་བསྡུས།། རིག་པས་རྟག་ཆད་མཐའ་བསལ་ཏེ།། མི་དམིགས་ཙམ་ལ་བསྒོམ་པའི་ཐབས།། བྱིང་རྒོད་གཉིས་ཀྱི་སྐྱོན་བསལ་ལ།། ཏིང་ངེ་མེར་རེ་རང་གསལ་ཙམ།། ཡང་ནས་ཡང་དུ་གོམས་པར་བྱེད།།
173a5 མཐུན་འཇུག་ཐབས་ཀྱི་སྤྱོད་པ་ཡང་།། འོག་མའི་ཆོས་དང་སྒོ་བསྟུན་ཕྱིར།། དགེ་སྡིག་ཤན་མདངས་ཕྱེད་པར་སྤྱོད།། དེ་ཚེ་དོན་གྱིས་ཟིན་པར་བྱ།། ལྷ་སྒོམ་སྤྱོད་པ་འཛོམ་པའི་ཚེ།། འབྲས་བུ་ཚོགས་གཉིས་ནམ
173a6 རྫོགས་ན།། སྒྲིབ་གཉིས་སྦྱངས་ནས་སངས་རྒྱས་འདོད།། དེ་ལས་ལྷག་པའི་ཆོས་མེད་ཟེར།། རི་དྭགས་སྨིག་རྒྱུ་བསྙེགས་ལྟར་འཁྲུལ།། དེ་ཡང་འདུས་པའི་སྙིང་པོ་ཉོན།། ཐབས་ཀྱིས་རིག་པ་བྱིན་བརླབས་པ།། སྨན
iiif viewer powered by OpenSeadragon
