| e-texts navigator |
| Wylie |
172b1 དུག་ལྔ་རང་གྲོལ་དུ་བསྟན་པའི་ལེའུ་སྟེ་ཉེར་གསུམ་པའོ།། །། ཀུན་རིག་སྟོན་པས་ཡང་གསུངས་པ།། སྲིད་པའི་བར་དོ་རྣམ་ལྔ་ལ།། མ་རིག་འཁྲུལ་པའི་བར་དོ་དང་།། ཀུན་བརྟགས་དགེ་བའི་བར་དོ་དང་།།
172b2 གནས་འགྱུར་ལྷ་ཡི་བར་དོ་དང་།། རྣམ་ཤེས་རླུང་ཞོན་པར་དོ་དང་།། མངོན་གྱུར་ཡེ་ཤེས་པར་དོའོ།། མ་རིག་འཁྲུལ་པའི་བར་དོ་ནི།། རྒྱུ་ནི་མ་རིག་རྣམ་གསུམ་སྟེ།། རྐྱེན་ནི་ཆགས་སྡང་གཉིས་ཀྱིས་གོལ།། གོལ་ས
172b3 བར་དོར་ལུས་གསུམ་འདུས།། སྡུག་བསྔལ་སྣ་ཚོགས་ཉམས་སུ་མྱོང་།། སྐྱེ་རྒས་སྡུག་བསྔལ་ཟད་དུ་མེད།། དེ་ལས་ཐར་ཅིང་ལྡོག་འདོད་པས།། ཀུན་བརྟགས་དགེ་རྩ་འདིར་བྱས་པས།། དགེ་བཅུ་སྦྱིན་སོགས་དད
172b4 པས་སྤྱད།། ཕྱི་མར་འབྲས་བུ་འདོད་པའི་བློས།། རྒྱུ་མཐུན་བག་ཆགས་མཐུ་བརྟས་པས།། ལྷ་དང་མི་ཡི་གོ་འཕང་ཙམ།། སྨོན་ལམ་དབང་གིས་མཐའ་བཙན་ཀྱང་།། དགེ་བའི་སྟེགས་ཟད་འཁོར་བར་འཁྱམས།། དེ
172b5 ཡང་འདུས་པའི་སྙིང་པོ་ཉོན།། གནས་འགྱུར་ལྷ་ཡི་བར་དོ་ལ།། རྟོགས་དང་ལྷ་གསལ་དུས་མཉམ་ནས།། སྐུ་གསུམ་གཅིག་ལ་གཅིག་ཚང་ནས།། འབྲས་བུའི་སངས་རྒྱས་དུས་དེ་ཉིད།། མ་རྟོགས་ལྷ་བསྒོམ་རཱུ་ཏྲར
172b6 སྐྱེ།། དེ་ཡང་འདུས་པའི་སྙིང་པོ་ཉོན།། རྣམ་ཤེས་རླུང་ཞོན་པར་དོ་ལ།། ཕྱི་ནང་རླུང་གི་བདེ་གོམས་པས།། ཕག་མོ་ལ་སོགས་འཕོ་བ་བདུན།། འོད་གསལ་ཡེ་ཤེས་སྐུར་འདོད་པ།། ཐབས་ལམ་ཡིན་ཕྱིར་ངེས་དོན
iiif viewer powered by OpenSeadragon
