| e-texts navigator |
| Wylie |
172a1 རང་རིག་ཆོས་སྐུ་ཡིད་ལ་བསྟར།། གཞི་དང་ཕྲད་པས་མུན་པ་བརླག། འབྲས་བུ་ཆོས་ཉིད་ཐམས་ཅད་མཁྱེན།། དེ་ཡང་རྡོ་རྗེ་སེམས་དཔའ་ཉོན།། ཞེ་སྡང་རང་གྲོལ་གྲངས་བསྟན་པ།། ཡུལ་ངན་ཁ་དོག
172a2 སྨྲ་བ་ལ།། ཞེ་སྡང་སེམས་དཀྲུགས་བཟོད་པ་ཉམས།། མི་བསམ་ཡུལ་གྱི་རྗེས་མི་གཅོད།། དེ་དུས་རྟག་ཆད་མཐའ་བྲལ་ཉམས།། བདག་གཞན་གཞི་ལ་གྲུབ་པ་མེད།། འབྲས་བུ་རང་རིག་སྦྲུལ་སྐུར་ཤར།། ང་རྒྱལ
172a3 རེངས་བྱེད་གྲངས་བསྟན་པ།། གཞན་དག་བརྡེག་བསད་སྨྲ་བ་ལས།། ང་བདེན་རྨོངས་པ་ཆེད་དུ་བྱེད།། གང་ཡང་བདེན་མེད་དོན་དྲན་པས།། དེ་ཉིད་རིག་པར་ཤེས་པའི་ཉམས།། ཚིག་གིས་ཆེས་ཆུང་གཞི་ལ་མེད།།
172a4 དོན་ལྡན་ང་རྒྱལ་ཆོས་སྐུར་ཤར།། དེ་ཡང་འདུས་པའི་སྙིང་པོ་ཉོན།། ཕྲག་དོག་རང་གྲོལ་གྲངས་བསྟན་པ།། གཞན་གྱི་ཕུན་སུམ་ཚོགས་པ་ལ།། གཡོ་སྒྱུས་གཞན་ལ་ཐབས་ཀྱིས་སྨོད།། བདག་དང་གཞན་མེད་ཆོས
172a5 ཀྱི་སྐུ།། ཕྲག་དོག་རང་གྲོལ་ཆོས་སྐུར་མྱོང་།། དེ་ཙམ་ཉིད་ན་བདག་གཞན་མེད།། གཡོ་སྒྱུ་མ་བྲལ་ལོངས་སྤྱོད་རྒྱན།། དེ་ཡང་འདུས་པའི་སྙིང་པོ་ཉོན།། དངོས་པོ་མ་འཁྲུལ་གནས་ལུགས་ལ།། ཚོར་བ་བདེ་སྡུག་ཅི
172a6 བྱུང་ཡང་།། དེ་དུས་ཆོས་སྐུར་ཉམས་སུ་མྱོང་།། དེ་ཚེ་ཡུལ་དང་འབྲེལ་མེད་ཤེས།། དེ་ཕྱིར་རྐྱེན་ཐུབ་བསྒོམ་མི་དགོས།། རྫོགས་པ་ཆེན་པོ་ངེས་དོན་འདུས་པའི་ཡང་སྙིང་ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས།།
iiif viewer powered by OpenSeadragon
