| e-texts navigator |
| Wylie |
171b1 ཕྱིར་འབྲས་བུ་ཆོས་ཀྱི་སྐུ།། དེ་ཡང་འདུས་པའི་སྙིང་པོ་ཉོན།། སྡུག་བསྔལ་ཉིད་ཀྱང་བདེ་བའི་ཀློང་།། དོན་ལ་ཡེ་ཤེས་འདུ་འབྲལ་མེད།། ད་ལྟའི་རིག་པ་འདི་ཉིད་ཡིན།། དེ་ཕྱིར་སྡུག་བསྔལ་བདེ་བའི་ཀློང་།། ཀུན་ཏུ
171b2 བཟང་པོ་ཡེ་ཤེས་ཀློང་གི་རྒྱུད་ལས། སྡུག་བསྔལ་ཞི་བྱེད་ཆོས་སྐུར་རྐྱེན་ཐུབ་པར་བསྟན་པའི་ལེའུ་སྟེ་ཉེར་གཅིག་པའོ།། །། དེ་ཡང་རྡོ་རྗེ་སེམས་དཔའ་ཉོན།། བཏང་སྙོམས་རང་བཞིན་རྐྱེན་ཐུབ་གྲངས།། ལེ
171b3 ལོ་སྙོམས་ལས་ལུང་མ་བསྟན།། བཏང་སྙོམས་ཤེས་པ་མ་རིག་བསྒྲིབས།། ཤན་ཕྱེད་ངོས་ཟིན་ཡིད་ཆེས་པས།། རང་རིག་འབྲལ་མེད་ཉམས་དང་ལྡན།། མ་རིག་མེད་ཕྱིར་བཏང་སྙོམས་མེད།། ལྷག་མཐོང་འབྲས་བུ
171b4 བདེན་པ་མཐོང་།། དེ་ཡང་འདུས་པའི་སྙིང་པོ་ཉོན།། གཉིད་ནི་ཆོས་སྐུ་ཀློང་ཐིམ་གྱིས།། བག་ཉལ་གཞི་གནས་མ་རིག་པས།། རྨི་ལམ་རྣམ་གསུམ་ཡུལ་ལ་ཞེན།། ལྡོག་ཀ་སད་དུས་དེ་ཉིད་ཤེས།། དེ་ཙམ་ཉིད་ན
171b5 ཉམས་མྱོང་གསལ།། དོན་ལ་རྨི་ལམ་གྲུབ་མེད་རྟོགས།། འབྲས་བུ་མི་རྟོག་ཆོས་སྐུར་ཤར། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། བཏང་སྙོམས་གཉིད་ཡེ་ཤེས་ཀློང་ཐིམ་དུ་བསྟན་པའི་ལེའུ་སྟེ་ཉེར་གཉིས
171b6 པའོ།། །། ཀུན་རིག་རྒྱལ་པོས་ཡང་གསུངས་པ།། གཏི་མུག་རང་གྲོལ་བསྟན་པའི་གྲངས།། མ་རིག་ཤེས་གཞི་ལུང་མ་བསྟན།། གང་ཡང་མི་ཤེས་གཏི་མུག་སེམས།། ལུང་ལྡན་སྒྲོན་མས་དོན་བསྟན་པས།།
iiif viewer powered by OpenSeadragon
