| e-texts navigator |
| Wylie |
171a1 གོལ།། སྔ་ཕྱིར་མ་ངེས་དོན་ཟིན་པའི།། དེ་ཚེ་བདེ་བའི་མཐར་མ་ལྟུང་།། ཕོ་མོ་གཞི་ལ་གྲུབ་པ་མེད།། ལུས་བདེ་ལོངས་སྤྱོད་རིག་པའི་སྒྲ།། དེ་ཡང་འདུས་པའི་སྙིང་པོ་ཉོན།། དེ་དག་བདེ་བ་རྣམ
171a2 གསུམ་ཡང་།། སྤྱོད་བདེ་དོན་དངོས་སྤྱད་གྱུར་ཀྱང་།། གནས་སྐབས་འབྲེལ་ཡོད་མཐར་ཐུག་མེད།། དེ་ཕྱིར་གདེང་ཟིན་ཀུན་གྱིས་སྤྱོད།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། བདེ་བ་ཡེ་ཤེས་སུ་རྐྱེན་ཐུབ་པར
171a3 བསྟན་པའི་ལེའུ་སྟེ་ཉི་ཤུ་པའོ།། ། ཀུན་རིག་སྟོན་པས་ཡང་གསུངས་པ།། སྡུག་བསྔལ་སྣ་ཚོགས་འབྱུང་བ་གསུམ།། དེ་ལ་ཕྱི་ལུས་སྡུག་བསྔལ་གྲངས།། ནད་ནི་བཞི་བརྒྱ་རྩ་བཞི་ལ།། ཡེ་འགྲོག་འཁང་པ་རྣམ
171a4 གསུམ་ཡིན།། གང་ན་ལྷག་མཐོང་དོན་གྱིས་ཟིན།། དེ་ཚེ་མཐའ་འབྲལ་ཆོས་སྐུར་མཐོང་།། ལུས་དང་ན་ཚ་གཞི་ལ་མེད།། སྡུག་བསྔལ་དེ་ཉིད་སྦྲུལ་སྐུར་ཤར།། སེམས་ཀྱི་སྡུག་བསྔལ་གྲངས་གསུངས་པ།། ཆགས
171a5 སྡང་རྣམ་གཉིས་ཡིན་པའི་ཕྱིར།། གོལ་སར་སྐྱོན་བཞི་དམ་པར་འཛིན།། མི་གཞིག་མི་བཅོམ་དྲན་པས་ཟིན།། གང་ལ་ཞེན་ཙམ་རིག་པས་ཟིན།། དེ་ཙམ་ཉིད་ན་གཞི་ལ་མེད།། དེ་ཚེ་སྡུག་བསྔལ་སྤྲུལ་པར་ཤེས།། སྤྱི
171a6 ཡི་སྡུག་བསྔལ་རྣམ་བཞིའོ།། མ་རིག་རྐྱེན་བཞི་བསྐྱེད་པ་ཡི།། ཉོན་མོངས་བག་ཆགས་བསགས་པས་གོལ།། སྔ་ཕྱི་མེད་ཤེས་གདམས་ངག་གིས།། མཚན་ཉིད་བཞི་ལྡན་ཉམས་སུ་མྱོང་།། གཞི་ལ་སྔ་ཕྱི་དོན་ལ་མེད།།
iiif viewer powered by OpenSeadragon
