| e-texts navigator |
| Wylie |
170a1 པའོ།། །། ཀུན་རིག་སྟོན་པས་ཡང་གསུངས་པ།། མ་བསྒོམས་འབྲལ་མེད་བསྟན་པའི་དོན།། དང་པོ་ཀུན་གཞི་ཤན་ཕྱེ་ལ།། བར་དུ་ཆོས་སྐུ་ངོས་བཟུང་བ།། ཐ་མ་ལ་ཟློས་བདེན་པ་མཐོང་།། དེ
170a2 ཡང་འདུས་པའི་སྙིང་པོ་ཉོན།། དང་པོ་རང་རིག་ཀུན་གཞི་ནི།། སྔ་ཕྱི་རྟོགས་དང་ཆོས་སྐུ་རུ།། ལུང་ལྡན་བླ་མས་ཤན་ཕྱེ་ལ།། ཐ་མས་བརྟེན་བཅས་མ་བསྒྲིབས་པའི།། མཚན་ཉིད་བཞི་ལྡན་ཆོས་སྐུར་ཤེས།། གོལ་ས
170a3 བཞི་ཆོད་གདེང་དང་ལྡན།། དེ་ཕྱིར་ལྷག་མཐོང་ངེས་པ་རྙེད།། ཡེ་ནས་གནས་པའི་རང་བྱུང་དེ།། ངོ་ཤེས་དོན་དང་འབྲལ་མེད་ཕྱིར།། རྒྱུན་དུ་གནས་པས་སངས་རྒྱས་སོ།། དེ་ཡང་འདུས་པའི་སྙིང་པོ་ཉོན།། དེ་དག
170a4 བསྒོམ་པའི་དབྱེ་བ་ནི།། གསལ་བ་མི་རྟོག་མི་གཡོ་བ།། དབྱེ་བ་རྣམ་པ་དགུ་དགུར་ནི།། རྒྱུན་དུ་འབྲལ་མེད་གཏན་ལ་འབེབས།། དེ་དག་རྩ་བ་མདོར་བསྡུ་ན།། སྒོ་ལྔ་གསལ་བ་མར་མེ་འདྲ།། རིག་པ་མི་གཡོ་མཚོ
170a5 གཏིང་འདྲ།། མི་རྟོག་བྱ་བ་བཏང་བ་འདྲ།། དེ་གསུམ་ཆོས་ཉིད་གཅིག་ལ་རྫོགས།། གང་མཐོང་དྲན་པ་མ་འཁྲུལ་པ།། ཆོས་སྐུ་ངོས་ཟིན་དོན་ལྡན་པས།། དེ་ཕྱིར་ཐིག་ལེ་ཉག་གཅིག་ལ།། མ་འདུས་པ་ནི་གཅིག་ཀྱང
170a6 མེད།། རྫོགས་པ་ཆེན་པོ་ངེས་དོན་འདུས་པའི་ཡང་སྙིང་།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་རིན་པོ་ཆེ་གསེར་གྱི་ཡང་ཞུན་ལས། རྒྱུན་ཏུ་འབྲལ་མེད་ཀྱི་བསྒོམ་པ་ངོས་གཟུང་བསྟན་པའི་ལེའུ་སྟེ་བཅུ་དགུ
iiif viewer powered by OpenSeadragon
