| e-texts navigator |
| Wylie |
16b1 བའི་དམ་ཚིག་ཉམས་པའི་སྐྱོན།། ཀུན་རིག་རྒྱལ་པོས་བཀའ་སྩལ་པ།། ཆོས་རྣམས་ཀུན་གྱི་རྩ་བ་ནི།། བླ་མ་དག་ལ་མ་བརྟེན་པར།། གསང་སྔགས་གསང་བའི་སྒོར་ཞུགས་ནས།། རང་དབང་མ་ཐོབ་གཞན་དབང
16b2 བསྐུར།། མཁས་ལ་སྨོད་ཅིང་གཞན་ལ་འགྲན།། རང་ལ་དོན་གྱི་གདེང་མེད་པར།། དྲེགས་ཤིང་ང་རྒྱལ་མཁས་འདོད་ནས།། ཚིག་ཙམ་ལུང་ལས་ཁུངས་ཕྱུངས་ནས།། རྩལ་བཤད་ཐོ་ཆོས་གཞུང་ཉམས་བྱེད།། དམྱལ
16b3 བར་ངེས་འགྲོ་གཏན་དུ་འཁྱམས།། དེ་ཡང་རྡོ་རྗེ་སེམས་དཔའ་ཉོན།། ནོང་པོས་བློན་གྲལ་མི་འཛིན་བཞིན།། ཉན་པའི་དབང་ནི་མ་ནོས་པར།། གསང་སྔགས་རྒྱུད་ཆེན་མཉན་པ་རྣམས།། སྲོག་གི་བར་ཆད་ཚེ་ཐུང
16b4 འགྱུར།། སྔར་མས་དཔའ་བོ་མི་ནུས་བཞིན།། འཆད་པའི་དབང་ནི་མ་བསྐུར་པར།། རྒྱུད་དང་སྒྲུབ་ཐབས་གང་འཆད་པ།། ལྕེ་ལ་ཞིང་རྨོད་དམྱལ་བར་སྐྱེ།། གདོལ་པས་རྒྱལ་ས་མི་ཟིན་བཞིན།། བསྒོམ་བསྒྲུབ་དག
16b5 གི་དབང་མེད་ན།། དམ་རྫས་འདྲེ་བཀྲེན་ཉོད་པར་འགྱུར།། རང་ཉིད་གླིང་བར་མུན་པར་སྐྱེ།། དེ་ཡང་འདུས་པའི་སྙིང་པོ་ཉོན།། དཔེར་ན་རྒྱུས་མེད་དུག་འཐུང་བཞིན།། སྐུ་ཡི་དམ་ཚིག་ཉམས་པ་ནི།། སུམ་ལྡན་རྡོ
16b6 རྗེ་སློབ་དཔོན་ལ།། བརྙས་ཤིང་ངན་སེམས་བསྐྱེད་བྱས་ན།། རྡོ་རྗེ་དམྱལ་བ་ཆེན་པོར་ལྟུང་།། ངོ་མ་ཤེས་ནས་གཉེན་གསོད་བཞིན།། གསུང་གི་དམ་ཚིག་ཉམས་པ་ནི།། སྣོད་མེད་ཆོས་བཤད་ལྷ་མི་དགའ།། འབྲས
iiif viewer powered by OpenSeadragon
