| e-texts navigator |
| Wylie |
16a1 གིས།། རྩ་དང་ཐིག་ལེའི་ཐབས་སྒོ་ནས།། ཡུལ་ལ་དམིགས་པའི་བསྒོམ་པ་པོ།། རྟོག་པ་བཟང་ངན་སེམས་སུ་བྱས།། བསྒོམས་ཀྱང་ཡུལ་ལ་འགྱུར་མེད་ཕྱིར།། ཇི་བཞིན་མ་ནོར་དོན་དང་བྲལ།། ད
16a2 ཡང་རྡོ་རྗེ་སེམས་དཔའ་ཉོན།། དཔྱིད་དུས་སོ་ནམ་མ་བྱས་པར།། སྟོན་དུས་རྩ་རུ་འགྲོ་བ་བཞིན།། རང་སེམས་དོན་ཉིད་མ་རྟོགས་པར།། བསྒོམ་དུ་འགྲོ་བ་སྙིང་རེ་རྗེ།། རྒྱལ་མ་སྦྱངས་པ་ཆུར་འཇུག་འདྲ།། དེ་བཞིན
16a3 མ་རྟོགས་སུ་བསྒོམ་པ།། འབྲས་བུ་མི་འབྱུང་བདུད་ཀྱི་ལས།། རྒྱུ་མཐུན་བག་ཆགས་བློར་བརྟས་པས།། ལྗོན་ཤིང་བཞིན་དུ་སྡུག་བསྔལ་རྒྱས།། རང་སེམས་སྙིང་པོ་མ་རྟོགས་པས།། བསྒོམ་ཆེན་ཡིན་ཞེས་ཕུག་ལ
16a4 འདུག། མ་རྟོགས་བསྒོམ་པའི་ཚུལ་ནི་སྟོན།། དམུས་ལོང་ཆུང་མ་མཛེས་མ་བཞིན།། ངོ་བོ་ཉིད་ནི་མ་རྟོགས་པར།། འཁོར་འདས་ཆོས་ལ་ཅི་བསམ་ཀྱང་།། བསྒོམ་པས་གྲོལ་བར་མི་འགྱུར་རོ།། དེ་ཡང་རྡོ་རྗེ་སེམས
16a5 དཔའ་ཉོན།། ཕྲ་རབ་རྡུལ་ནི་གཉེན་པོས་སྤང་།། རིས་སུ་འཛིན་པ་དབྱེ་བ་སྤོང་།། ཡོད་མེད་འཆེལ་བས་རྒྱུ་འབྲས་སྤོང་།། ཆེད་དུ་སྤོང་པའི་རྟོག་པ་ཡིས།། བློ་ཡིས་གཞི་ཉིད་འཆོས་པའི་ཕྱིར།། འཁོར་བའི་མཐའ
16a6 ལས་ཐར་པ་མེད།། རྫོགས་པ་ཆེན་པོ་བལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། བསྒོམས་པ་གོལ་བར་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་འདུས་པའི་འཁོར་རྣམས་ལ།། ལྷ
iiif viewer powered by OpenSeadragon
