| e-texts navigator |
| Wylie |
169b1 ཉིད་ཀྱི་སྐུ།། རྒྱུ་རྐྱེན་མ་བསྐྱེད་འགྱུར་བ་མེད།། འདུས་མ་བྱས་པའི་ནམ་མཁའ་འདྲ།། དེ་ཡི་རྟོགས་ཚུལ་ཡེ་ཤེས་ཏེ།། བསྒོམ་སྦྱིན་སྒྲོ་སྐུར་མ་བཏགས་པ།། ཀུན་བཟང་རང་རིག་ཆོས་སྐུར་རྟོགས།། རི་པོ་ཏ་ལའི་ཉི
169b2 ཤར་འདྲ།། དེ་ཡིས་དེ་ཉིད་མཚོན་པའི་དང་།། མཐའ་དབུས་མེད་པས་ནམ་མཁའ་འདྲ།། རྣམ་རྟོག་འཇོམས་པས་རྡོ་རྗེ་འདྲ།། སྐྱེ་བ་མེད་པས་ཨ་དང་འདྲ།། དེ་ཡི་ངེས་པའི་གཏན་ཚིགས་ནི།། རང་བྱུང་འཁོར་བར
169b3 འཁྱམས་མ་མྱོང་།། དེ་རྟོགས་ད་ལྟ་ཉིད་དུ་ཡང་།། མཐའ་བྲལ་མངོན་གྱུར་བདེན་པ་མཐོང་།། དེ་ཡི་ལྡོག་ཐབས་ངེས་པ་ནི།། མཐུན་དང་མི་མཐུན་གཉིས་ལོག་པས།། གོལ་སྒྲིབ་སྐྱོན་གྱིས་མ་གོས་ཕྱིར།། སེམས་ལས
169b4 མ་བྱུང་ཆོས་སྐུར་གསུངས།། དེ་ཡི་མཚན་ཉིད་ངེས་པ་ནི།། གང་དང་འདྲ་མེད་ཡིན་པ་མེད།། ཡིན་ནི་ད་ལྟའི་ཤེས་པ་ལ།། དེ་ཡི་དོན་ཀུན་གནས་པའི་དོན།། དེ་ཕྱིར་འབྲལ་བ་མེད་པའི་མཆོག། ལ་བཟླས་སྤང་བླང
169b5 མེད་ཤེས་པས།། སྐྱོན་ཡོན་ཐམས་ཅད་མེད་པར་དག། དེ་ཕྱིར་དུས་འདིར་འབྲས་བུ་འགྲུབ།། ཕྱི་མར་སངས་རྒྱས་སྨོས་ཅི་དགོས།། དེ་ཡང་འདུས་པའི་སྙིང་པོ་ཉོན།། ཆོས་དབྱིངས་ཆོས་སྐུ་གཅིག་གི་ངང་།། རང་བྱུང
169b6 རིག་པའི་ཡེ་ཤེས་དེ།། ཉི་ཟླ་གཟས་ཟིན་དཔེ་བཞིན་དུ།། དོན་ཀུན་དུས་གཅིག་ཡོན་ཏན་རྫོགས།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། རིག་པ་མ་བསླད་ཆོས་ཀྱི་སྐུར་བསྟན་པའི་ལེའུ་སྟེ་བཅོ་བརྒྱད
iiif viewer powered by OpenSeadragon
