| e-texts navigator |
| Wylie |
168b1 ཆུ་ནང་ཟླ་བ་ངོས་ཟིན་འདྲ།། ཆོས་ཀུན་སྟོངས་པར་འདོད་པ་དེ།། རང་གི་སེམས་ཀྱི་ཡུལ་གཞིག་ཀྱང་།། སྟོང་པར་སོང་བ་ཅི་ཡང་མེད།། སྲིན་འབུས་རི་རབ་བསྲེག་པ་འདྲ།། ཆོས་ཉིད་དོན་ནི་གང་རུང་ལ།། སྨྲར་མེད
168b2 བརྗོད་དུ་མེད་པར་འདོད།། གཡོ་སྒྱུ་ཅན་ནི་ཁས་མི་ལེན།། ཚུལ་འཆོས་ཅན་གྱི་སེམས་དང་འདྲ།། དེ་ཡང་འདུས་པའི་སྙིང་པོ་ཉོན།། ཡུལ་ལ་ཞེན་པའི་རྟོག་པ་དེ།། དང་པོ་གྲུབ་མཐའི་བློས་མ་བསྒྱུར།། མ་རིག་དབང
168b3 གིས་འཁྲུལ་པ་རྒྱས།། འཁོར་འདས་མི་ཤེས་གཏི་མུག་གིས།། ངོ་མི་ཤེས་པ་ཕྲད་པ་འདྲ།། ཡུལ་ལ་ཡེངས་པའི་རྟོག་པ་ནི།། ལྷ་མི་རྣམས་ནི་ཤེས་པ་བཅིངས།། ཁ་དོག་དབྱིབས་ཀྱི་འདོད་ཡོན་ལ།། རྟོག་པ་མང་བས
168b4 སྤྱོད་པ་ཡེངས།། རྨ་བྱས་མདངས་ལ་བལྟ་བ་འདྲ།། ཆོས་བརྒྱད་དམ་པར་བལྟ་བ་དེ།། བསྟོད་སྨད་ལ་སོགས་ཆོས་རྣམས་ལ།། དམ་པར་ཞེན་པའི་བློ་འཛིན་པས།། རང་རྒྱུད་གོལ་ས་ཡིན་པར་ངེས།། བུ་གཅིག་པ་ཡི།
168b5 ཕ་མ་འདྲ།། སྐྱེ་རྒ་ན་འཆིས་མི་འཇིགས་པའི།། མ་རིག་བླུན་པོ་ཞེ་སྡང་ཅན།། གཟུང་འཛིན་འདི་ཡི་རྟོག་པས་ཕུང་།། ཕྱི་མ་དམྱལ་བས་མི་འཇིགས་པས།། རྒྱལ་པོས་བསྒོ་བའི་གཤེད་མ་འདྲ།། དེ་ཡང་འདུས་པའི
168b6 སྙིང་པོ་ཉོན།། སྤོང་སྡུད་ཞེན་པ་དེ་དག་ཀྱང་།། གཞི་ལ་མེད་པར་མ་ཤེས་པས།། འཁྲུལ་པའི་ཆོས་ལ་བདེན་འཛིན་ཕྱིར།། སྣང་བ་ཆོས་དབྱིངས་གོལ་སར་གསུངས།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས།།
iiif viewer powered by OpenSeadragon
