| e-texts navigator |
| Wylie |
168a1 བཀའ་རྟགས་བསྟན་པའི་ལེའུ་སྟེ་བཅོ་ལྔ་པའོ།། །། ཀུན་རིག་སྟོན་པས་ཡང་གསུངས་པ།། ངེས་དོན་རིག་པའི་བྱིན་རླབས་ཀྱིས།། ངེས་དོན་གདམས་ངག་བསྟན་པ་དང་།། མི་རྟོག་ཙམ་དུ་བྱིན
168a2 རླབས་དང་།། ཐབས་ཀྱི་བདེ་བས་བྱིན་རླབས་དང་།། ཉམས་ཀྱི་བདུད་ཀྱིས་བྱིན་རླབས་ཕྱིར།། དེ་དོན་དབྱེ་བ་ཤིན་ཏུ་གཅེས།། དེ་ཡང་འདུས་པའི་སྙིང་པོ་ཉོན།། ངེས་དོན་གདམས་ངག་རྣམ་བཞི་སྟེ།། དང་པོ་གཞི
168a3 ངེས་ལྟ་བ་ལ།། སྣང་བ་མ་བཅོས་ཆོས་ཀྱི་དབྱིངས།། གོལ་ས་སྤོང་སྡུད་ཞེན་པ་སྟེ།། སྤོང་བ་དུག་དང་ཚེར་མ་འདྲ།། རང་ལུས་འབྱུང་བའི་དུག་ལྔ་ལ།། མི་རུང་བློ་ཡིས་སྤོང་བྱེད་པ།། གཉེན་པོ་མི་རྟག་བདག་མེད་དུ།།
168a4 ཆེད་དུ་སྡུག་བསྔལ་སྤོང་བར་འདོད།། ཉོན་མོངས་རིས་སུ་སྤོང་བྱེད་པ།། རང་ལ་ཉོན་མོངས་གང་ཆེ་བ།། ཁ་བཀའ་གཉེན་པོས་སྤང་བར་བྱེད།། གཉེན་ལ་ཉེ་རིང་བྱེད་པ་འདྲ།། ཉོན་མོངས་རྒྱུ་འབྲས་སྤོང་བྱེད་པ།།
168a5 དགེ་བསྒྲུབ་སྡིག་སྤོང་འབྲས་བུ་ཚོལ།། བླང་དོར་རེ་དོགས་རྩོལ་བ་བྱེད།། འཇིག་རྟེན་སོ་ནམ་བྱེད་པ་འདྲ།། དེ་ཡང་འདུས་པའི་སྙིང་པོ་ཉོན།། སྡུད་པའི་རྟོག་པ་བསྟན་པ་ནི།། ཡུལ་སེམས་གཉིས་མེད་འདོད་པའི
168a6 ཆོས།། ཐམས་ཅད་རང་གི་སེམས་སུ་བསྡུ།། ཡུལ་སེམས་གཅིག་ཏུ་འདྲེ་མི་སྲིད།། བུ་རམ་རང་གིས་རོ་མི་མྱོང་།། སེམས་ཉིད་རང་སྣང་འདོད་པ་དེ།། ཕྱི་ནང་སེམས་ཀྱི་ཆོ་འཕྲུལ་གྱིས།། སྣང་བ་མ་ངེས་སྣ་ཚོགས་པ།།
iiif viewer powered by OpenSeadragon
