| e-texts navigator |
| Wylie |
167b1 གྱིས།། བསྟན་པའི་འཁོར་འདི་རྣམ་གསུམ་ལ།། དྲང་དོན་ལྡེམ་དགོངས་ངེས་པའི་ཆོས།། འདུས་པའི་འཁོར་ལ་ཅི་རིགས་བཤད།། དེ་ཡང་འདུས་པའི་སྙིང་པོ་ཉོན།། དང་པོ་ཆོས་སྐུའི་རྩ་བ་ནི།། རང་བྱུང་ངོ་བོ་ཉིད་སྐུ
167b2 དང་།། ས་བཅུའི་འཁོར་ལ་དགོངས་པས་བཤད།། ཚེགས་མེད་ངེས་དོན་རིག་པས་གོ། དེ་དོན་ངེས་པར་དབྱེ་བ་ནི།། ལྔ་བཅུ་བདུན་གྱི་བརྡའ་བསྟན་ཕྱིར།། ཚིག་ཏུ་མ་བརྗོད་ཡིད་ལ་རྟོགས།། རིག་འཛིན་སྤྲུལ་པའི
167b3 སྤྱོད་ཡུལ་ཡིན།། དེ་ཡང་འདུས་པའི་སྙིང་པོ་ཉོན།། དགོངས་དང་རིག་པ་རྣ་བར་བརྒྱུད།། ཚིག་གི་སྒྲོན་མས་དོན་གོ་ཕྱིར།། ཕྱི་རབས་དད་ལྡན་རྣམས་ཀྱིས་གོ།། དེ་ཕྱིར་སངས་རྒྱས་ད་ལྟ་ཉིད།། དེ་ཡང་འདུས་པའི
167b4 སྙིང་པོ་ཉོན།། སྐྱེ་ཤི་གཉིས་ཀྱི་བར་དོ་ལ།། ཀུན་ཏུ་བཟང་པོའི་ཆོས་དྲུག་གིས།། དཔེ་དོན་རིག་པ་ཉམས་ལྡན་པས།། མ་རིག་དྲུག་བཅོམ་བདེན་པ་མཐོང་།། རྟོག་གཞི་ལ་སོགས་བཅུ་གཅིག་གིས།། འཁྲུལ་གཞི་ལ
167b5 སོགས་དགུ་པོ་ཡང་།། བརླག་ཅིང་སྟོངས་ཏེ་འཁོར་བ་མེད།། དེ་ཕྱིར་གོལ་སྒྲིབ་མིང་མེད་དོ།། དེ་ཡང་འཁོར་གྱི་སྙིང་པོ་ཉོན།། ལུང་བསྟན་གདམས་ངག་མངོན་བསྟན་པས།། དེ་མ་ཐག་ཏུ་ཆོས་སྐུར་ཤེས།། རྣམ་སྨིན
167b6 ལུས་དང་མ་བྲལ་ཀྱང་།། སངས་རྒྱས་ས་ལ་ངེས་པར་འགྲོ།། རྫོགས་པ་ཆེན་པོ་ངེས་དོན་འདུས་པའི་ཡང་སྙིང་ཀུན་ཏུ་བཟང་པོ་ཡེ་ཤེས་ཀློང་གི་རྒྱུད། རིན་པོ་ཆེ་གསེར་གྱི་ཡང་ཞུན་ལས། རིག་འཛིན་གྲུབ་པ་ཐོབ་པའི
iiif viewer powered by OpenSeadragon
